Nun partido competido, especialmente na primeira parte, as mariñanas conseguen impoñerse ante o CD Leganés FSF nun bonito partido ofrecido por parte de ambos conxuntos
Burela, 24 de febreiro, 2024. Ás 11.00h desta mañá, no pavillón Europa, en Leganés, disputábase a 20ª xornada de Primeira División Iberdrola, CD Leganés FSF – Pescados Rubén Burela FS, cun resultado final 1-5. As primeiras clasificadas ante as últimas da táboa enfrontáronse nun bonito partido, competido e con boas xogadas por parte de ambos os conxuntos. Un Leganés que o tiña difícil ante un equipo máis forte, a pesar das baixas de última hora de Irene Samper e Emilly por motivos persoais. Aínda que con dous goles de vantaxe ao descanso, o conxunto local pon en apertos ao Burela en toda a primeira parte, na que as Guerreiras Laranxas meten dous goles en 30 segundos. Na segunda parte o conxunto de Julio Delgado desmárcase non deixando opción ao equipo madrileño á remontada.
Comeza o partido creando oportunidade o Leganés e continúa cun Burela ao que lle custa atinar na portería. Tras dous paus chega o gol, no minuto 15, da canteirá burelense de 22 anos, que cada vez se está gañando máis minutos de xogo, Cris Blanco, cun disparo desde case o punto de penalti a un pase de Antía Pérez. 30 segundos despois a recentemente chegada dos partidos amigables ante Portugal coa Selección Española, a nosa capitá Dany, remata un disparo de Patricia conseguindo o 0-2 que as levará ao descanso.
No segundo tempo sae Falconi a portería dende o primeiro minuto, o principio dun gran partido para a porteira que, a pesar da diferenza de goles no resultado, salvou moitos máis balóns que poderían entrar entre os paus do equipo local. No minuto 22 saca un balón coa perna nun paradón espectacular a un disparo de Patricia dende o bordo da área. Un minuto despois o Leganés recorta distancias poñendo en apertos ao Burela cun gol de Ana Sanz que a mete tras unha recuperación. A mesma Ana Sanz salvará outra clarísima oportunidade de Patricia que a lanza por riba de Falconi salvando coa cabeza moi preto da liña de meta a autora do único gol do conxunto madrileño. Moitas oportunidades claras para as Supercampioas nos próximos minutos, no 25 outro pau de Dany que dispara tras unha recuperación e Patricia lanzaa por riba do traveseiro no rexeite. No 26 outro trallazo de Dany tras unha fermosa acción coral con Antía Pérez e Patricia, vaise fóra rozando o segundo pau. E chega o 1-3 cun gol de Antía Pérez tras unha boa xogada colectiva. No 30 de novo roza o pau un lanzamento de Cris Blanco e un minuto despois chega a quinta falta do Burela, cunha boísima actuación de Ana Eliza, que sae na metade da segunda parte, parando os dous lanzamentos do dobre penalti a consecuencia da sexta falta, o primeiro saíndo da portería e o segundo quedándose baixo os paus e sacándoa coas mans nun paradón espectacular. Continúa presionando o Burela e no minuto 36 chega o 1-4 cun gol de Patricia nun lanzamento longo e raso ao segundo pau tras un pase de Dany. A segundos do asubío final, de novo Dany cóaa dende o segundo pau nunha xogada ensaiada tras un saque de falta de Antía Pérez.
As mariñás volven de Madrid para prepararse para o próximo encontro, “O Encontro”, o clásico dos clásicos en Vista Alegre, Pescados Rubén Burela FS – Futsi Atlético Navalcarnero, que se disputará o vindeiro domingo día 3 de marzo á 13.00h e, do mesmo xeito que o desta xornada 20 ante o Leganés, será emitido por Teledeporte.
Ficha Técnica CD Leganés FSF 1-5 Pescados Rubén Burela FS
CD Leganés FSF (1): Moni; Ceci, Beita, Ana Sanz, Moni -cinco inicial-, Nerea, Úbeda, Candela, Chiesa, Rey, Alba, Falconi.
Pescados Rubén Burela FS (5): Caridad; Cilene, Cami, Rafinha, Patricia, – cinco inicial-, Dany (C), Antía Pérez, Cris Blanco, Aroa, Ana Eliza (P).
Goles: 0-1, min.15: Cris Blanco. 0-2, min.16: Dany. 1-2, min.23: Ana Sanz. 1-3, min.27: Antía Pérez. 1-4, min.36: Patricia. 1-5, min.40: Dany.
Árbitros: Bancu Georgiana Alina, Carlos Panadero Díaz-Concha, Marta Garvalena Crespo, David Sánchez Prados.
TA: Ana Sanz, Jorge Babio Carabaña.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
