Ameijide cre que “non é moralmente admisible que un familiar próximo a un xefe de gabinete -e incluso tamén a unha concelleira de goberno no municipio onde goberna o presidente da Deputación de Lugo- estea licitando por valor dun millón de euros na institución provincial”
Lugo, 1 de marzo de 2024. “O Grupo Provincial Popular continuará vixiante en relación á contratación do servizo Coñece a túa provincia”. Así o explica o portavoz, Antonio Ameijide, ante un paso máis neste procedemento administrativo aceptando a xustificación da oferta considera nun primeiro momento anormalmente baixa. “Parece que, por agora, o goberno provincial tomou nota da advertencia do Partido Popular”, subliña. Deste xeito, quedaría aparentemente fóra a empresa do irmán do xefe de gabinete do presidente da Deputación e fillo dunha concelleira do PSOE en Monforte.
O popular agradece o labor dos funcionarios que parece que foron escrupulosos no seu traballo e pídelle ao equipo de goberno do PSOE e BNG que “non incorran na Deputación de Lugo nos mesmos erros que están poñendo contra as cordas ao presidente do Goberno, á súa muller, a ministros, presidentes de comunidades, etc: meter ás súas familias a licitar e xestionar contratacións con administracións nas que teñen responsabilidades de goberno”.
Ameijide esixe “transparencia e imparcialidade” ao goberno provincial. De feito, cre que “non é moralmente admisible que un familiar próximo a un xefe de gabinete -e incluso tamén a unha concelleira no municipio onde goberna o presidente da Deputación de Lugo- estea licitando por valor dun millón de euros na institución provincial. Se estás traballando nunha administración non podes contratar coa mesma”.
O voceiro popular subliña que “seguiremos vixiantes con este e outros procedementos” para “impedir o que estaba pasando en Madrid. “Dende o Grupo Provincial Popular estamos satisfeitos de que tomaran nota” e, nesa liña, avanza que “seguiremos esixindo luces e taquígrafos en relación a este e outros procedementos de contratación”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
