Alfoz, 11 de marzo, 2024. Aliento de cárcel é o título do relato gañador do XXIII Certamen Internacional de Relato Corto “Encarna León”, convocado pola Viceconsellaría de Igualdade e Muller da Cidade Autónoma de Melilla.
A obra escrita polo alfocés Lionel Rexes recrea acontecementos do histórico calabozo de presas políticas localizado en Correlos, na parroquia de Mor (Alfoz), e vai enfiando isto co derradeiro día de vida do guerrilleiro Luis Trigo Chao “Gardarríos” e da súa compañeira de armas Antonia Díaz, pois a dona e as fillas do célebre “escapado” padeceron presidio naquel calabozo que hoxe forma parte dunha vivenda particular.
Hai oito anos, o autor do relato conduciu a Fernanda Cedrón Trigo (neta do “Gardarríos” e activista pola Memoria Histórica) até as dependencias onde sufriron reclusión as mulleres da súa familia, vivencia que tamén introduce no relato.
Dotado con 6000 euros para o premiado, este certame internacional exixe nas súas bases que as narracións destaquen o papel da muller na historia e ao tempo denuncien a súa discriminación, polo que o relato do autor alfocés fai fincapé, tamén, na inxustiza inflixida a unhas presas de conciencia que acabaran naquel calabozo polas súas ideas, ou unicamente por pertencer a familias sinaladas como leais á República.
Á presente edición do certame concorreron 577 obras procedentes de diversos lugares do mundo, entre as que finalmente foi escollida como gañadora a narración presentada por Lionel Rexes. Este autor reside no mesmo barrio de Correlos, lugar onde recolleu testemuños procedentes das veciñas que recordaban algunhas presas políticas polo seu nome, os soldados mobilizados que custodiaban o calabozo, e tamén o momento en que o presidio foi trasladado ao castelo do Castrodouro.
Non é a primeira vez que este autor aproveita a historia de Correlos para nutrir os seus argumentos literarios, pois na novela que publicará para o próximo mes de maio aparece reiteradamente a báscula da feira, unha construción aínda vixente que marcou a historia comercial do lugar.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
