Os populares cren que “a imaxe que ofrece Vilalba a través das súas instalacións deportivas é deplorable” e, polo tanto, “non é positiva para os nosos equipos que loitan por ascender, nin para o turismo e a hostalería”
Vilalba, 12 de marzo de 2024. Ás goteiras no pavillón municipal de Vilalba (na pista, no pasillo lateral e nos vestiarios) súmase agora a falta de calefacción e auga quente nos vestiarios. Varios usuarios destas instalacións deportivas teñen trasladado a varios concelleiros do Partido Popular as súas queixas por “unha situación que non se pode tolerar” e que, ademais, “ofrece unha deplorable imaxe de Vilalba ante os equipos visitantes”.
Dende o PP vilalbés non é a primeira vez que esixen ao goberno bipartito máis atención ás instalacións deportivas e, nesta ocasión, esixen “unha solución urxente para garantir o uso do pavillón en perfectas condicións”. Anteriormente, teñen reclamado o arranxo da cuberta para poñer solución ao problema de goteiras que, despois de advertir varias veces ao goberno local para que pedise a subvención da Xunta, se poderá solucionar unha vez rematadas as obras cunha importante axuda do Goberno galego.
“Esta fin de semana o pavillón municipal acollía un partido de Preferente Autonómica entre as rapazas do Vilalba FSF e o Fisober FSF, de Dumbría; e ningún dos equipos puido facer uso das duchas porque non había auga quente nin calefacción”, explican. “O que está claro é que mentres os nosos equipos loitan por superarse, o goberno local de Vilalba quédase atrás” porque “o equipo feminino está loitando por ascender á Segunda División nacional, pero as instalacións deportivas non acompañan”. Ademais, “esta situación prexudica á imaxe que proxecta Vilalba entre os equipos galegos que visitan o noso municipio” e, polo tanto, “tamén ao turismo e ao sector hostaleiro”.
OUTRAS CARENCIAS
Pais e nais tamén teñen trasladado aos concelleiros populares a súa preocupación porque “no pavillón municipal non hai desfibrilador” e tamén advertiron do mal funcionamento do servizo de conserxería. Así, os populares piden explicacións ao goberno local porque “durante varias semanas non había ninguén que fora abrir as instalacións, a pesar de que é responsabilidade do Concello e que lle está pagando a unha empresa externa por este servizo. Tivo que facelo a Policía Local ou, incluso, responsables de clubs ou entidades que usan habitualmente as instalacións”.
A falta do servizo de conserxería tamén o sofren os usuarios do pavillón do Mato Vizoso: “nenos e nenas levan varias xornadas sen poder realizar actividades das escolas deportivas porque non abren as instalacións no horario correspondente”.
As deficiencias en infraestruturas deportivas tamén se estenden ao pavillón do Ínsua Bermúdez onde “chove na pista e a iluminación é nefasta”, indican.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
