“Vaise garantir totalmente a seguridade nas celebracións, coa idea de previr calquera tipo de incidente, e queremos destacar que vai estar todo cuberto en materia de seguridade de tráfico”, explica Loureiro
Viveiro, 13 de marzo de 2024. O Concello de Viveiro celebrou hoxe a reunión de seguridade previa á Semana Santa, presidida pola subdelegada do Goberno, Isabel Rodríguez, e pola alcaldesa María Loureiro, coa presenza da tenenta de alcaldía, Míriam Bermúdez.
“Esta xunta de seguridade celébrase todos os anos antes da Semana Santa, pero cobra se cadra máis importancia este ano dada a situación excepcional na que se atopa a Policía Local”, sinala María Loureiro.
“Vaise garantir totalmente a seguridade nas celebracións, coa idea de previr calquera tipo de incidente, e queremos destacar que vai estar todo cuberto en materia de seguridade de tráfico”, explica a alcaldesa.
“Agradecemos a todos os corpos e forzas de seguridade a súa presenza na reunión, e o labor que desenvolverán reforzando a seguridade nos días máis destacados da Semana Santa”, subliñou Loureiro. Estiveron presentes a Policía Nacional, a Policía Autonómica, a Guardia Civil, Protección Civil e os bombeiros.
Por parte do Concello, que se atopa actualmente ultimando o Plan de Autoprotección para a Semana Santa, haberá un servizo de grúa durante as 24 horas do día.
Dende o Goberno local informan de que haberá cortes puntuais no tráfico, polo que se fará un desvío con semáforos regulados na rúa Rego das Flores. Os cortes afectarán en particular á travesía da Mariña con motivo das procesións que transcorren por alí.
Así mesmo, por motivos de seguridade, nos días anteriores á celebración da Semana Santa liberaranse as prazas de aparcamento na travesía da Mariña para que os coches estacionados non interfiran co discorrer da procesión.
“Moitas grazas á Subdelegación do Goberno en Lugo pola súa disposición de cara a estas datas, e, de novo, a todas as forzas e corpos de seguridade”, engadiu Loureiro.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
