Ribadeo, 16 de maio, 2024. Neste pleno do martes 14 de maio, o BNG de Ribadeo propuxo reclamarlle á Xunta de Galicia que confirme o investimento de 700.000€ na reforma integral do Hospital Asilo, financiar a construción dun campo de herba artificial con 800.000€ e ampliar o Fondo de Cooperación Local (sen incremento ningún desde 2009, cando Feijoo asumiu o goberno da Xunta). Pero o PP de Ribadeo opúxose.
“O BNG de Ribadeo fixo esta proposta, como transacción, para modificar unha moción de urxencia do PP local para pedir unha entrevista con José Tomé (presidente da Deputación de Lugo). Desde a alcaldía pedían o apoio de toda a corporación para solicitar esa entrevista, na que lle ían propoñer unha serie de investimentos para Ribadeo. Desde logo, desde o BNG compartimos estas e outras peticións que beneficien Ribadeo. Ao longo dos nosos sucesivos gobernos así o fixemos: sempre petamos en todas as portas para lograrmos recursos”.
“Pero postos a facer propostas, e para darlle máis verosimilitude a cada unha delas, era bo mostrar a nosa intención, como ente local, de solicitarmos tamén axudas á Xunta e mesmo ao goberno central. Podemos, e queremos instar á Xunta a que faga reais os 700.000€ prometidos para a reforma integral do Hospital Asilo, que faga tamén real a ilusión de dispoñermos dun campo de herba artificial (con 800.000€ sería posíbel). Tamén cremos que xa vai sendo horas (móllese señor Rueda, marque a diferenza con Feijoo) de que aumente a dotación do Fondo de Cooperación Local”.
“Pero coa Xunta topamos no camiño! Cando o alcalde de Ribadeo deu entendido o sentido da nosa emenda (custoulle un chisco) volveuse atrás e dixo que non se podían mesturar os allos cos bugallos, que á Xunta xa se lle podería pedir outro día. Así entende o PP de Ribadeo a mediación: -se dis o que eu digo, digo que es boa xente; e senón…-. Non tardou nin cinco segundos en acusarnos de que non queriamos melloras para Ribadeo”.
“Pero falta á verdade: nos querémolas veñan de onde veñan. E así o demostramos durante moitos anos e volveremos demostralo. Ben deitou o PP local nestes dez meses das inauguracións de proxectos deseñados desde o anterior goberno e que contaron co apoio da Deputación Provincial de Lugo. E ao mesmo tempo, o PP de Ribadeo, co seu alcalde á cabeza, pretende demandar achegas a unhas institucións, pero a outras non”, conclúe o BNG.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
