O delegado trasladou a vontade de diálogo permanente do Goberno para dar unha resposta conxunta aos desafíos dun sector que emprega a máis de 50.000 persoas en Galicia
Viveiro, 29 de maio de 2024. O delegado do Goberno en Galicia, Pedro Blanco, remarcou esta mañá a importancia de modernizar o sector mar-industria para asegurar o mantemento dunha actividade rendible e competitiva, “fundamental para o futuro da pesca en Galicia”. Así o afirmou durante un encontro cos responsables do grupo Puerto de Celeiro e da Confraría de pescadores, no que estivo acompañado pola alcaldesa de Viveiro, María Loureiro, e a subdelegada na provincia, Isabel Rodríguez.
O delegado enmarcou esta reunión “no diálogo permanente deste Goberno co sector pesqueiro, un encontro positivo e produtivo para dar unha resposta conxunta aos retos e desafíos dunha industria que dá traballo a máis de 50.000 persoas, un 50% do emprego marítimo pesqueiro de toda España”.
Neste senso, quixo remarcar que “estamos ao carón do sector co fin de impulsar o tecido produtivo e o desenvolvemento económico da pesca en Galicia”, poñendo como referente ao Porto de Celeiro como un paradigma do que o Goberno defende, “a aposta por unha actividade pesqueira moderna, sostible e con futuro”. Así, salientou “que o futuro do sector pasa pola renovación e modernización da frota para contar con barcos máis seguros, eficientes e confortables que avancen cara á descarbonización”. Neste marco, avanzou que proximamente sairán as axudas do PERTE Mar-industria, unha convocatoria con 40 millóns de euros de orzamento do Plan de Recuperación, “tan demandado pola industria galega”.
Por outra banda, Pedro Blanco informou que Galicia é a CCAA que máis fondos recibe do Fondo Europeo Marítimo, de Pesca e Acuicultura (FEMPA) en España, cun total de 366 millóns de euros, polo que pediulle á Xunta responsabilidade na xestión e que execute todos os programas “para que non quede nin un só euro sen investir en Galicia”.
Nesta liña, o Goberno de España destinou 70 millóns de euros en axudas para combustible, compensando os custos extraordinarios derivados do Brexit, a COVID-19 ou a guerra da Ucraína. Ademais, o delegado incidiu na falta de relevo xeracional e na transcendencia de accións encamiñadas na formación marítimo pesqueira, como a que se promoveu no Porto de Celeiro a bordo do buque Intermares.
Como conclusión tras a xuntanza, o delegado rematou aseverando que “recollemos as demandas do sector e seguiremos traballando da man, porque o Goberno de España cre na pesca e no seu futuro”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
