“Oito meses despois da última reunión que mantivemos, non responden ás nosas solicitudes para desbloquear a situación”, asegura Marta Rouco
Vilalba, 2 de xullo de 2024. A alcaldesa de Vilalba, Marta Rouco, reitéralle de novo á directora xeral de Mobilidade, Judit Fontela, a necesidade de consensuar “de xeito urxente” unha solución para a estación de autobuses.
A alcaldesa solicitoulle unha vez máis por escrito unha reunión “para desbloquear unha situación que non merecen os veciños e veciñas de Vilalba, cunha estación de autobuses en estado de abandono e pechada, nin sequera é posible acceder aos baños”.
“A sensación é de impotencia, xa pasaron oito meses desde a última reunión que mantivemos coa Xunta, na que nos plantexaron unha alternativa inviable”, lembra Marta Rouco.
“Vilalba necesita unha estación de autobuses, somos un concello cabeceira de comarca con moito movemento, e mentres non se acorda unha solución definitiva, as instalacións deben contar cuns servizos mínimos”, engade a alcaldesa.
“O presidente da Xunta, Alfonso Rueda, anunciou nas últimas semanas un ambicioso plan para reforzar o transporte público en Galicia, unha aposta que contrasta coa realidade da nosa estación, non podemos esperar máis”, remata.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
