Os populares dan a benvida a José Tomé e ao PSOE “á racionalidade” xa que agora aseguran que apoiarán esta iniciativa empresarial sempre que cumpra con toda a legalidade vixente, “tiveron que mudar a súa postura e aceptar o que sempre defendemos no PP, se unha iniciativa empresarial cumpre a legalidade hai que apoiala”
Lugo, 30 de xullo de 2024. Os deputados do Grupo Provincial Popular dan “a benvida á cordura e á racionalidade” aos deputados do PSOE que hoxe no pleno da Deputación aseguraron que “apoiarán Altri” no caso de que cumpra con todos os informes medio ambientais e a legalidade vixente: “iso é o que levamos defendendo no PP dende o primeiro minuto”.
O voceiro popular, Antonio Ameijide, realizou unha pregunta durante o pleno para coñecer a postura do goberno provincial tendo como resposta que “o PSOE apoiará toda iniciativa que cumpra coa lexislación vixente”: “o que queda claro é que o PSOE tivo que rectificar e adoptar o mesmo camiño do PP, o da legalidade, deixando só ao BNG”.
CICLO DA AUGA
Os deputados do Grupo Provincial Popular non entenden a postura de PSOE e BNG de negarse a liderar un proxecto común de apoio a todos os concellos lucenses para garantir o abastecemento de auga de calidade e o correcto tratamento das augas residuais.
Os deputados populares recordan que “nos últimos anos vimos como comezan a darse problemas co abastecemento de auga, unha dificultade enorme para os concellos polo que a colaboración entre administracións é fundamental para poder atopar solucións a este problema”.
A escaseza de auga, a renovación e modernización das infraestruturas hidráulicas ou as esixencias normativas en materia de control de calidade e en relación á xestión das augas residuais son algúns dos aspectos que deben atender dende os concellos e que requiren importantes recursos técnicos e económicos pero “en moitas ocasións non teñen nin os recursos materiais, económicos nin persoais para poder afrontar este problema”.
“Vemos como cando poden colaborar ou liderar póñense de perfil, a pesar de que naquelas administracións nas que son oposición propoñen acordos coma este”, explicou.
IGUALDADE DE OPORTUNIDADES
Os deputados do Grupo Provincial Popular tamén lamentaron que tanto socialistas como nacionalistas decidisen non reclamar ao Goberno de Pedro Sánchez un trato “igualitario” para todos os españois, “xa que votaron en contra de rexeitar os privilexios que o Goberno central dá a unha comunidade fronte ás demais”.
Os populares explican que as decisións do PSOE en Madrid, avalados polo BNG, “de privilexiar” a Cataluña por enriba das 16 comunidades restantes “afectan directamente aos lucenses polo que é necesario reafirmar o compromiso co principio de igualdade entre todos os españois recollido na Constitución”.
SAÍDA DA DEPUTACIÓN DE XESTUR
Os concelleiros populares votaron a favor da saída da Deputación de Lugo do accionariado de Xestur xa que “cos cambios organizativos que se están producindo na Xunta é certo que carece de sentido que a Deputación de Lugo forme parte de órgano”.
Unha saída que servirá para recuperar liquidez na Deputación de Lugo cos 716.000€ que reverterán a esta Deputación. Unha partida coa que os populares realizaron xa unha proposta durante o pleno: “aproveitar este diñeiro para facer unha política industrial real e seria desde a Deputación Provincial de Lugo, porque non en balde durante estes últimos anos brillou pola súa ausencia”.
A realidade é que o PSOE e o BNG non cumpriron cos convenios asinados con diferentes municipios da provincia polo que a día de hoxe “hai 21 polígonos industriais comprometidos e sen construír e máis de 100 parcelas sen vender nos oito polígonos xa construídos”.
HÉCTOR CORUJO TOMA POSESIÓN COMO DEPUTADO PROVINCIAL
O alcalde de O Incio, Héctor Corujo, tomou no pleno de hoxe posesión como novo deputado provincial do Grupo Popular.
Héctor Corujo xa participou do pleno como o resto dos seus compañeiros e destacou que chega á Deputación de Lugo “moi ilusionado e con moitas gañas de traballar para buscar solucións aos problemas da miña provincia e dos seus veciños”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
