Nota de prensa:
ANTÓN BAO CONSIDERA QUE O FEITO DE QUE VARIOS CLUBS SOLICITEN MÁIS HORAS DE USO DO PAZO DOS DEPORTES CONSTITÚE UN ÉXITO DA POLÍTICA DEPORTIVA DA DEPUTACIÓN
Explicou que, en canto ás axudas a deportistas individuais, recibiuse un total de 115 solicitudes
Deu conta ademais de que a Área de Benestar concede unha subvención a Cáritas Cáritas Diocesana de Mondoñedo-Ferrol, para un proxecto de atención a anciáns do rural
LUGO, 22 de outubro de 2010. O nacionalista Antón Bao, vicepresidente da Deputación de Lugo, informou hoxe na rolda de prensa posterior á Xunta de Goberno, de varios asuntos referentes á Área de Turismo e Benestar Social, xa que ven de aprobarse o prego de prescricións técnicas para a contratación da subministración, instalación e adecuación para a sinalización turística nos concellos de Burela, Mondoñedo, O Saviñao e Pantón, e tamén se aprobou un convenio mediante o cal se concede unha subvención a Cáritas Diocesana de Mondoñedo-Ferrol, para o proxecto denominado “Vivir na casa. Atención integral a anciáns no rural”.
Antón Bao deu conta ademais de que esta mesma semana, a Área de Deporte da Deputación recibiu notificación de tres clubs de baloncesto: o Ensino, o Asociación Xuvenil Sagrado Corazón e o Cidade de Lugo, indicando que o horario que teñen asignado para uso das instalacións lles resulta escaso. Como explicou Bao, “é a primeira vez que ocorre algo así, e é unha magnífica noticia, xa que pon de manifesto o acertado das nosas políticas en materia deportiva, ao apostar pola promoción do deporte de base e incidir en que os equipos punteiros son que máis deben de promocionar as categorías inferiores: esta solicitude dos clubs lucenses indica que cada vez máis nenos e nenas se animan a practicar un deporte”.
Tamén explicou que “é de agradecer a coordinación existente entre os clubs, que realizan as súas propostas de xeito conxunto, o que facilita a tarefa das institucións”. Lembrou que “dende a Deputación, seguindo a liña marcada á chegada ao goberno, tentamos satisfacer as demandas de tódolos clubs e entidades deportivas, polo que o responsable do Pazo dos Deportes está xa estudando a maneira de encaixar as demandas de tódolos clubs usuarios da instalación”. O orzamento anual destinado ao Pazo dos Deportes é de 580.000 euros, e as instalacións utilízanse para diversas disciplinas como son o baloncesto, esgrima, loita olímpica, squash, atletismo, natación e predeporte infantil. As instalacións utilízanse un total de 185 horas semanais, que son 37 horas diarias repartidas nas 5 pistas que existen.
Nesa mesma liña, o vicepresidente da Deputación lembrou que a Área de Deportes abriu hai un par de meses o prazo para a presentación de solicitudes para concorrer a bolsas para deportistas individuais. Bao explicou que “unha vez recibidas todas as solicitudes e en proceso de análise das mesmas, queremos facer unha consideración interesante e é que se recibiron 115 solicitudes de deportistas individuais”. Isto supón un aumento considerable con respecto á anterior convocatoria, na que se presentaron un total de 70. Este ano, ampliouse o montante total en 10.000 euros, co que son 60.000 euros os que se dedican a estas bolsas para deportistas individuais.
Sinalización turística en Mondoñedo, Burela, O Saviñao e Pantón
Antón Bao anunciou tamén na rolda de prensa, que ven de aprobarse o prego de prescricións técnicas para a contratación da subministración, instalación e adecuación para a sinalización turística nos concellos de Burela, Mondoñedo, O Saviñao e Pantón. Como explicou Bao, os primeiros “dous proxectos, en Mondoñedo e Burela, teñen carácter urbano, xa que esta sinalización estará fundamentalmente instalada no casco urbano e sinalizan os lugares de interese das dúas vilas”. Por outra banda, a sinalización de Pantón e O Saviñao forma parte dun só proxecto que “afecta aos dous concellos, xa que se trata dunha ruta de sendeirismo”. O vicepresidente sinalou que, para estes proxectos, destinarase un total de 44.350,32 euros. Esta cantidade dedicarase ao subministro de paneis, báculos, placas para documentos, e demais elementos necesarios para realizar esta sinalización. Bao lembrou que “este proxecto de sinalización turística xa comezara na Ulloa, e a previsión é continuar con un similar en Sober, e outro que terá o obxectivo de indicar o Pazo de Tor, en Monforte de Lemos”.
Atención integral a anciáns do rural
O vicepresidente da Deputación deu conta doutro asunto referente a Área de Benestar tratado na xunta de goberno: a aprobación dun convenio mediante o cal a Área de Benestar da Deputación de Lugo concede unha subvención excepcional a Cáritas Diocesana de Mondoñedo-Ferrol, para o financiamento do proxecto denominado “Vivir na casa. Atención integral a anciáns no rural”. Como explicou Bao, a subvención “terá un importe de 21.600 euros (dun montante total do proxecto de 128.000 euros) que se empregarán para financiar os gastos de persoal e desprazamentos derivados do devandito proxecto”. O servizo, como explicou o vicepresidente, “trata de dar axuda no fogar a anciáns do medio rural e a actuación desenvolverase en Vilalba, Abadín e Xermade”. O programa funciona de xeito ininterrompido dende o ano 2000 e pretende dar axuda a anciáns que se atopan illados ou sen recursos. A atención que se dispensa ten 3 vertentes que son a atención persoal: hixiénico e sanitaria básica, atención psicosocial: estimulación cognitiva, prevención do deterioro; e axuda en tarefas domésticas:coidado do fogar, limpeza, etc.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
