Foz, 28 de agosto de 2024. A Delegación de Facenda do Concello de Foz ten lista a modificación da ordenanza de bens inmobles (IBI), máis coloquialmente a coñecida como “contribución”, e levará o vindeiro pleno da corporación municipal a súa proposta.
“Esta modificación vén motivada pola ponencia de valores realizada polo catastro sobre os valores catastrais dos terreos de todo o concello, que levaban sen ser revisados dende 1988. Ata o de agora o goberno do PP o que fixera foran actualizacións á alza, de forma lineal e sen ningún tipo de análise. Subas sen ter en conta a antigüidade dos inmobles, as súas características, etcétera: agora a revisión do catastro é completa, revisando tamén os valores dos terreos, polo que haberá bens que baixen de valor por estar construídos hai moitos anos ou que se revaloricen se están rehabilitados”, explica a concelleira delegada de Facenda, Inés López Couto.
A edil especifica que “o catastro modifica a situación dos inmobles en rústica: actualmente unha vivenda en chan rústico, nunha das nosas parroquias rurais, tiña dúas referencias catastrais, a da propia vivenda que se consideraba un ben urbano e a da finca que era cualificada como rústica. A lei de catastro indica que os bens serán cualificados segundo a natureza do seu terreo, polo que as vivendas en chan rústico pasarán á cualificación de ben rústico (son unha maioría das existentes nas parroquias, pero non todas xa que hai vivendas en chan de núcleo rural ou urbano consolidado, que non cambiarán a súa condición. Isto ten unha implicación aos efectos do IBI, xa que Foz ata agora contaba co tipo do 0,52 para os inmobles urbanos e o 0,60 para os rústicos, dende que o goberno do Partido Popular o duplicou no ano 2013, pasando o tipo da rústica do 0,3 ao 0,6”.
A proposta da Delegación de Facenda do Concello de Foz consiste en “baixar o tipo rústico e igualalo co de categoría urbana, tratando de ser máis xusto cos habitantes de todo o concello. Se non se modifica así as vivendas das parroquias sofren un prexuízo, pasando a pagar máis que as do casco urbano ou ás que se sitúan en núcleo rural, polo que dende a concellería propoñemos un tipo igual para todos do 0,54: urbanos e rústicos. Isto deixaría a recadación municipal case sen incrementos nin decrecementos no próximo ano e sería máis xusto cos veciños”.
Ademais a proposta inclúe as bonificacións para bens de cooperativas agrarias, que terán unha bonificación do 95 por cento, así como para familias numerosas, que en inmobles con valores inferiores a 200.000 euros poderán ter unha bonificación de ata o 90%, segundo o seu nivel de ingresos. Estas bonificacións terán que ser solicitadas e presentar a documentación necesaria para poder aplicarse.
“Coas bonificacións buscamos unha maior xustiza social. Igualando o tipo impositivo evitamos a discriminación e unha recadación inxusta no rural”, finaliza a concelleira Inés López Couto.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
