A Consellería de Cultura, Lingua e Xuventude ofrece en Galicia 695 prazas de voluntariado para a mocidade galega, do resto do Estado e do estranxeiro
Castro de Rei, 3 de setembro de 2024. A directora xeral de Xuventude, Lara Meneses, acompañou hoxe aos 18 mozos e mozas, descendentes de emigrantes galegos, que están colaborando nas tarefas de conservación e protección do xacemento do Castro de Viladonga, no marco da campaña O teu mellor verán que ten en marcha a Xunta de Galicia. Trátase dunha iniciativa a través da cal, tal e como sinalou o Goberno galego promove a “importancia de coidar do noso patrimonio”.
Lara Meneses explicou que estas actividades dirixidas á mocidade galega, do resto de comunidades autónomas e do estranxeiro inclúen máis de 40 experiencias de voluntariado cun total de 695 prazas. As propostas nas que participan persoas de entre 18 e 30 anos, teñen por obxectivo “ofrecer novas alternativas de lecer saudable á mocidade desta franxa de idade”.
Neste caso, as actividades, realizadas en colaboración coa Consellería de Emprego, Comercio e Emigración, van en liña cos obxectivos da campaña Que siga contando a nosa historia coa que o Goberno galego procura concienciar a cidadanía sobre a importancia de conservar e preservar “un dos maiores tesouros que conforman a identidade cultural da nosa Comunidade”.
Os mozos que están actualmente participando no campo son 18 chegados do estranxeiro para colaborar, xunto co equipo de expertos que traballan no Castro de Viladonga, nas tarefas básicas de limpeza e consolidación das estruturas do xacemento.
Ademais, a través do museo, os voluntarios están a coñecer os traballos de arqueoloxía como son a catalogación dos materiais ou as tarefas de difusión que se desenvolven. As actividades complétanse con rutas de sendeirismo e excursións por diversos enclaves da Comunidade como Cabo Ortegal, a cidade de Lugo ou a de Santiago de Compostela, entre outros.
Programación ‘O teu mellor verán’
A representante da Consellería de Cultura, Lingua e Xuventude afondou na importancia de “promover actividades que fomenten, durante esta época de estío, a conciliación familiar e laboral”. Deste xeito, destacou que a Campaña de Verán da Xunta “está sendo un referente en todo o Estado polo alto nivel das súas actividades”. “Así é que Galicia se converteu en destino preferente, tanto para a mocidade galega como doutras comunidades ou do estranxeiro”, aseverou.
No caso concreto deste ano ofertáronse un total de 11.533 prazas, o que supón a maior oferta da historia destas actividades de verán que dependen da Consellería de Cultura, Lingua e Xuventude. As opcións abranguen campamentos para mozos e mozas de entre 9 e 17 anos, actividades para maiores de 18 anos, minicampamentos, campos de voluntariado, o programa Conecta con Galicia para a mocidade galega no exterior e o uso das instalacións xuvenís xestionadas pola Xunta.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
