É habitual que ás asociacions e colectivos pidan apoio político ou respaldo ás súas demandas, pero sorprende que os argumentos esgrimidos para animar a ese apoio, se sustenten na descalificación cara a outras persoas que non pensan igual. Das opinións vertidas polo rexedor focense e un deputado autonómico ao respecto da construción dunha goleta en San Ciprián, calquera cidadán pode discrepar. O que non é tan habitual é que a directiva dunha asociación que promove a devandita construción, para amosar o seu rexeitamento ás opinións, recurra ao insulto persoal ou á realización de xuízos de valor.
Tal e como se enfoca a solicitude de apoio no que respecta ao grupo municipal socialista de Cervo, dá a impresión de que debamos tomar partido por un dos supostos “equipos” (o que está a favor da construción da goleta ou o que a critica neste contexto de crise).
Os socialistas de Cervo, discrepamos sobre a conveniencia de empregar nestes momentos 1,8 millóns de euros nunha goleta, como tamén rexeitamos o gasto de máis de 1,2 millóns de euros no derribo dun colexio. Non o rexeitamos porque si, senón que o facemos porque ese gasto non se corresponde de forma racional coas necesidades prioritarias dos veciños do Concello.
En Cervo, coma no resto do pais, a inmensa maioría dos cidadáns non viven preocupados pola execución dunha goleta; preocupa asegurar a atención e calidade sanitaria e educativa, a asistencia e recursos ás persoas maiores e as súas familias, as infraestruturas necesarias e as iniciativas de emprego que vaian máis alá de anuncios populistas ou a creación de falsas expectativas urbanísticas e industriais. Preocupa e moito, a fuga dos nosos mozos, que camiñan cara ao futuro coas maletas preparadas para irse en canto completan os seus estudos; preocupa a perda de poboación nun concello, que a pesar de estar enmarcado nunha zona privilexiada, se desangra ano tras ano porque non se acertou coas prioridades para o seu desenvolvemento, mentres emerxen á súa costa concellos veciños.
Pódese subvencionar perfectamente aos carpinteiros de Ribeira, para que a súa maravillosa labor e patrimonio non decaiga, pero a cifra empregada é a todas luces desorbitada, cando ademais a catro pasos do punto onde se vai construir a goleta, os veciños do Porto de Arriba transitan polas rúas cheas de socavóns e sofren roturas nas canalizacións cada dous por tres. Ademais de todo isto, vemos que nos presupostos da Xunta para o ano 2011, no que respecta a Cervo non aparece nin un só euro destinado a construcción do porto, que debería albergar nun futuro ao bergantín.
Non estaría de máis, por cuestións prácticas, que fose primeiro o porto, e despois o barco.
GRUPO MUNICIPAL SOCIALISTA DE CERVO
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
