Ribadeo, 11 de outubro de 2024. Ribadeo recibiu da Xunta a aprobación definitiva da modificación puntual do PXOM para a construción do novo centro de saúde. O seguinte paseo será da compra dos terreos.
O alcalde, Dani Vega, declarou este venres que “seguimos dando pasos importantes para ter o centro de saúde que quere Ribadeo. Un centro de saúde accesible, cómodo, con maiores servizos sanitarios. Evidentemente, a sanidade pública non é construír paredes única e exclusivamente, é dotar de servizos sanitarios de calidade, pero é importante tamén ter un centro accesible, cómodo, un centro que estea unido, que podemos conectarnos coa autovía para chegar rápido ao Hospital da Mariña. É moi importante porque son minutos vitais, fundamentais, para que o paciente chegue rápido dende o centro de saúde ao Hospital da Mariña. Como tamén é importante ter dentro de todo ese espazo sanitario ao 061, non pode ser que o centro de saúde estea nun lado e o 061 noutro. Debe estar unificado, debe haber tamén unha zona de aparcadoiro para as ambulancias, como tamén para todos os traballadores ter un espazo de descanso e de traballo”.
O rexedor dixo que “desde o Concello, neste período pequeno de goberno, xa fixemos todo o traballo burocrático necesario. Estou falando da modificación urbanística do Plan Xeral que tivemos que aprobar en pleno, enviarlle á Xunta, e hoxe xa nos veu a aprobación definitiva da modificación puntual do Plan Xeral de Ordenación Municipal para a implantación do centro de saúde que quere Ribadeo”.
Para Vega “hoxe temos unha noticia importante, unha noticia positiva, para empezar a dar xa outro paso, que é comprar a parcela. Nos como Concello durante este ano tamén buscamos o orzamento necesario para poder comprala e vamos entregarlle toda esa parcela á Xunta de Galicia e á Xunta, nunha breve reunión que tiven este mércores co conselleiro, xa lle encargamos o proxecto para empezar a traballar na construción dun centro de saúde que vai chegar practicamente aos cinco millóns de euros. Trátase dun presuposto importante de edificio, de zona de aparcadoiro para as ambulancias e dun espazo de aparcadoiro para todas as persoas que acudamos ao centro de saúde, e ir dando pasos para tamén mellorar todo o acceso a esa instalación”.
O alcalde subliñou que “hoxe demos un paso importantísimo na modificación urbanística fundamental para que o Concello poida comprar os terreos e entregarlle á Xunta de Galicia para a construción do centro de saúde que queremos todos os ribadenses”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
