Insiste na necesidade de modificar o Estatuto dos Consumidores Electrointensivos, de abaratar os prezos da enerxía e de desbloquear os parques eólicos de competencia estatal “porque todas estas cuestións son vitais para o futuro da factoría”
Santiago, 17 de outubro de 2024. A conselleira de Economía e Industria, María Jesús Lorenzana, asegurou, tralo anuncio realizado polos propietarios de Alcoa respecto da entrada de Ignis EQT cun 25% na planta de San Cibrao, que “a Xunta valora positivamente o proxecto que Alcoa e Ignis están presentando para preservar a industria do aluminio en Galicia. Todas as partes implicadas terán algo que achegar, e a folla de ruta móstranos un camiño de futuro para esta planta e para os seus traballadores”. Lorenzana referíase así ao desenlace respecto do proceso de venda da factoría lucense pero insistía no feito de que “haberá que coñecer os detalles deste acordo de colaboración e dos pasos que se vaian dar nos próximos meses, que esixirán que todos continuemos a traballar polo futuro desta planta e dos seus traballadores”.
Este anuncio únese ao da obtención, por parte do proxecto de recrecido da balsa de lodos de Alcoa, da Declaración de Impacto Ambiental (DIA). “Outra boa nova – destacaba Lorenzana – porque vai permitir que se leve a cabo unha actuación que é vital para que a planta poida continuar coa súa actividade”. Ademais, insistiu “todos os parques eólicos dependentes da Xunta de Galicia dispoñen xa de DIA, o que reafirma que o Goberno autonómico ten os deberes feitos”.
A conselleira de Economía e Industria reiterou a necesidade de convocar canto antes a Mesa de Seguimento, solicitada hai máis dun mes polo Goberno galego á Secretaria de Estado do Ministerio de Industria, e insistiu na urxencia de abaratar o prezo da enerxía e de ofrecer un marco enerxético estable e competitivo para a industria electrointensiva “para o que é fundamental abordar dunha vez por todas a modificación do Estatuto dos Consumidores Electrointensivos”, engadiu.
María Jesús Lorenzana aproveitou para reclamar ao Goberno central que amplíe as compensacións polas emisións de CO2 ata os 850M€ permitidos “para que as nosas empresas poidan competir en igualdade de condicións coa industria do resto de Europa”. E, ao fío, lembrou que aínda está pendente de resolver a situación daqueles parques de Alcoa de competencia estatal que tiñan decaídos os seus permisos de acceso e conexión e para os que estaba comprometida unha solución por parte do Ministerio de Transición Xusta que aínda non se produciu
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
