Burela, 24 de outubro, 2024. A presentación terá lugar no Salón de actos da confraría de pescadores de Burela ás 18h. É un acto aberto a toda a veciñanza.
UN MAR DE ARTISTAS
Realización de murais nas fachadas frontal e lateral da Confraría. O lateral está inspirado nun primero deseñado polo alumnado de Belas Artes do IES MONTE CASTELO e o frontal baséase en adaptacións artísticas de fotografías reais. A dirección corre a cargo do artista local Martín Lestao, que para a súa execución conta cos artistas locais Belén Mogo, Héctor Manasé e Diego Domínguez, onde se combina arte coa historia do porto de Burela e que honra a mulleres e homes do mar de Burela, facendo un guiño ao respecto ao medio mariño, as súas especies e aos océanos. Xunto ao Torques, podemos atopar sereos, persoas de distintas nacionalidades, etc. plasmando a multiculturalidade de Burela que tamén se traduce no sector do mar.
As paredes convértense en auténticas pezas de artesanía, empregando varias técnicas como debuxo, teselas e grafiti. Así mesmo, o mural conta con alumeado de enerxía solar renovable, promovendo a eficiencia, rentabilidade e sosteñibilidade do medio ambiente.
Esta actividade promove a inclusión real e efectiva, posto que conta coa colaboración de entidades locais do ámbito social: Saúde Mental A Mariña, Coidando de Vos, AFAN, Fundación Eu Son e Residencia e Centro de Día da Terceira Idade de Burela, quenes a través de varias master class deixaron a súa pegada nos murais, polo que se trata dun proxecto totalmente inclusivo.
“Queremos que todas as persoas accedan ao arte e á cultura e, por iso, estamos adaptando as producións artísticas dos murais, para que as persoas con discapacidade visual poidan gozar das mesmas, promovendo unha cultura mariñeira inclusiva e convertendo a Confraría nunha institución accesible para todas as persoas. Para iso, colocaremos dous paneis táctiles accesibles realizados con braille e altorrelieve para toda tipoloxía de público, incluíndo persoas con discapacidade visual”.
“Entendemos que a accesibilidade debe de estar presente en todos os ámbitos da vida e, por iso, transformamos este entorno para favorecer a igualdade de oportunidades entre todas as persoas. Trátase de facilitar o acceso a todas as persoas á información sen barreiras, contribuíndo así á cultura accesible”.
100 ANOS, TEN HISTORIA
Realización de audiovisual conmemorativo do Centenario, onde se fai un percorrido pola historia da Confraría e do pobo, desde a Burela de principios de século, os seus barrios e a súa tradición mariñeira, ata a Burela do século XXI:
– A constitución da Confraría no ano 1923
– O crecemento do porto e a mellora das instalacións
– A modernización da flota
– Os sucesos máis relevantes nestes 100 anos de historia
– As súas xentes e o papel da muller na actividade vinculada ao mar
– Os presidentes e patróns que dirixiron o Pósito e a Confraría
– A labor social da Confraría dentro da historia do pobo
Contouse coas testemuñas dos seus principais protagonistas, a recuperación e dixitalización de material gráfico e audiovisual de gran valor histórico. O audiovisual tamén contén os actos mais salientables e significativos do seu centenario, para que no seu bicentenario “os nosos sucesores e sucesoras saiban como o celebramos na actualidade e sirva de soporte de estudio nos vindeiros anos”.
LIBRO DOS 100 ANOS DA CONFRARÍA DE PESCADORES DE BURELA
Libro para desfrutar e visualizar a historia da Confraría durante os 100 anos de vida e a súa aportación socioeconómica e labor social, contribuíndo a facer a Burela que hoxe en día coñecemos, así como un recopilatorio de todas as actividades realizadas co gaio do seu Centenario. A través do libriño tamén se levará a cabo unha homenaxe aos náufragos de Burela.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
