A partir do luns, día 28 de outubro, os veciños e veciñas poderán inscribirse para recibir a chave do contedor
Burela, 25 de outubro de 2024. O Concello de Burela comezará a partir deste luns, día 28 de outubro, a campaña “Reciclar ben non é un marrón”, coa que porá a disposición da veciñanza o novo sistema de contedores marróns para a reciclaxe de residuos orgánicos.
O propio luns mandarase polas diferentes canles de comunicación do Concello un formulario no que veciños e veciñas poderán inscribirse para facer uso do novo sistema. Urbaser será a empresa encargada de xestionalo.
Os contedores marróns levan xa un ano en funcionamento para a hostalería da localidade, e a partir de agora poderán ser empregados tamén polo resto da veciñanza.
Nos días seguintes citarase ás persoas que se apunten no formulario para facerlles entrega das chaves necesarias para empregar o contedor. Tamén se informará da súa ubicación e normas de uso.
“O noso obxectivo é seguir apostando pola reciclaxe, o medio ambiente e a sustentabilidade tanto ecolóxica como económica”, sinala o concelleiro de Benestar Comunitario, Ramiro Fernández Rey.
O edil destaca que se trata “dun sistema moi importante, xa que os residuos organicos supoñen arredor dun 30% do total de lixo que se xera cada día”.
“Levamos xa arredor dun ano con este sistema en funcionamento para a hostelería e estamos moi contentos co resultado, polo que agora damos un paso máis para abrilo á veciñanza”, explica Fernández Rey.
“Pedimos á xente que queira colaborar que cumpra coas indicacións de uso que se darán dende a aula Gaia, para que non se depositen materiais impropios no contedor”, subliña o concelleiro.
“Animamos a toda a veciñanza a participar desta iniciativa, que nun futuro será previsiblemente obrigatoria para todo o mundo”, concluíu.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
