A subdelegada do Goberno en Lugo presentou a nova unidade acompañada polo coronel, Manuel Touceda, e o sarxento da unidade, Edgar Cid
Lugo, 28 de outubro de 2024. A subdelegada do Goberno en Lugo, Isabel Rodríguez, anunciou esta mañá a creación da nova Unidade de Seguridade Cidadá da Garda Civil (USECIC) na comandancia da cidade, acompañada polo coronel, Manuel Touceda, e o sarxento da unidade, Edgar Cid. Este novo equipo facilitará o reforzo da seguridade en toda a provincia de Lugo e mellorará a capacidade de resposta ante situacións de emerxencia e actuacións especiais.
A creación desta nova unidade responde ao compromiso do Goberno coa mellora da seguridade cidadá no territorio, garantindo unha maior protección e atención ás necesidades dos cidadáns en todo o ámbito rural e urbano. A USECIC de Lugo contará con 11 efectivos altamente capacitados e especializados en tarefas de intervención inmediata, o que permitirá unha actuación máis eficaz ante situacións de risco e eventos de grande afluencia, así como dispositivos de control en eventos públicos e operativos contra a delincuencia organizada.
A subdelegada destacou a importancia desta nova unidade para garantir a seguridade na provincia, afirmando que “a creación da Unidade de Seguridade Cidadá da Garda Civil é unha clara mostra do compromiso do Goberno coa protección dos nosos cidadáns. Esta nova unidade, formada por axentes especializados, permitirá unha resposta rápida e eficaz ante calquera eventualidade, proporcionando unha maior tranquilidade á poboación.”
A subdelegada do Goberno subliñou o esforzo continuo para dotar á provincia de Lugo dos medios necesarios para garantir o benestar e a seguridade en todo o territorio. Así mesmo, agradeceu o traballo e a dedicación de todos os corpos de seguridade, cuxo compromiso resulta fundamental para manter a paz e a tranquilidade na provincia.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
