A Mariña, 18 de novembro de 2024. A FCAM (Federación de Comercio A Mariña) inicia este xoves, 21 de novembro, no CIFP Porta da Auga, de Ribadeo, o ciclo de charlas O futuro laboral na Mariña lucense.
A presidenta da FCAM, Carmen Cruzado, explicou que “na FCAM estamos moi preocupados pola situación laboral desta comarca, hai moita oferta de postos de traballo en todos os sectores, que as empresas non son quen de poder cubrir. Hai empregos no comercio, na hostalería, nos hoteis e tamén en sectores como a automoción, o forestal ou os astaleiros, por poñer só uns exemplos, pero tamén hai demanda de profesionais como electricistas, fontaneiros, carpinteiros…”.
Cruzado Iglesias indicou que “desta preocupación, que detectamos xa nun foro que celebramos en Foz aló polo mes de marzo, saíu este ciclo de charlas que levaremos polos centros de FP da Mariña co obxectivo de contarlle á xente moza que aquí hai futuro, que hai demanda de man de obra e que tamén é posible emprender. Teñen que saber que non é preciso saír da Mariña para atopar un emprego. Na FCAM apostamos por asentar poboación nesta comarca. E unha forma de facelo é empezar por concienciar á xente nova”.
A presidenta da FCAM subliñou que “neste ciclo contaremos coa participación de directivos e traballadores de empresas da Mariña para que lles conten a súa experiencia aos estudantes de FP. Son elas e eles os que mellor o poden explicar. E xunto a eles estaremos tamén membros da directiva da FCAM”.
A primeira charla deste ciclo O futuro laboral na Mariña lucense terá lugar no CIFP Porta da Auga, de Ribadeo, este xoves, 21 de novembro, ás 8:30 horas da mañá. Na mesma intervirán: María Novo, emprendedora ribadense que puxo en marcha Con Sentidiño; Iván Marrube, CEO de Loxística Reyco; e Carmen Cruzado, presidenta da FCAM.
O director do CIFP Porta da Auga, Isidro Berdeal, declarou que “cando a FCAM nos ofreceu a posibilidade de dar a coñecer ao noso alumnado as distintas alternativas de futuro laboral na comarca da Mariña, coa participación de representantes de empresas e institucións de sectores relacionados coa nosa oferta educativa, pareceunos moi interesante. O alumnado do CIFP Porta da Auga ten futuro laboral na Mariña e esta iniciativa pode axudar a visibilizar ese futuro, a asentar a poboación e a que sexan os futuros empresarios ou traballadores desta comarca”.
No acto de presentación participaron o director do CIFP Porta da Auga, Isidro Berdeal; Beatriz Trigo, a dinamizadora da relación con empresas na FP; e Carmen Cruzado, presidenta da FCAM.
A Federación de Comercio A Mariña conta con Loxística Reyco como empresa patrocinadora desta iniciativa. Carmen Cruzado agarda que “máis firmas se vaian sumando ao longo dos vindeiros meses a esta programación que vai continuar en xaneiro no IES de Foz”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
