Os deputados populares recordan que o principal problema que afecta a Alcoa é o prezo da enerxía “sobre o que o Goberno de España ten a competencia”, sendo necesario un marco enerxético estable e un prezo asequible do que si dispoñen outros países europeos para que a nosa industria electrointensiva compita en igualdade de condicións
Lugo, 27 de novembro de 2024. Os deputados do Grupo Provincial Popular critican a postura tomada por PSOE e BNG de posicionarse en contra de apoiar aos traballadores de Alcoa e da continuidade da actividade da factoría na Mariña ao votar contra a moción do PP que pedía instar ao Goberno de Pedro Sánchez a convocar a mesa de seguimento do acordo de Alcoa de forma urxente, autorizar os parques eólicos vencellados a subministración de enerxía á planta e a desenvolver medidas para garantir a viabilidade da fábrica: aumentar ata o máximo permitido para as industrias electrointensivas as axudas por compensacións de CO2 e articular liñas de axudas públicas, igual que outras empresas consideradas estratéxicas para o Estado.
O voceiro popular, Antonio Ameijide, denuncia que con esta postura, dende o goberno provincial queren manter “a situación de incerteza” de Alcoa nun contexto no que o Ministerio leva meses sen convocar a mesa de seguimento do pacto no que están representados a empresa, os traballadores e as administracións públicas.
A convocatoria da mesa de seguimento “é fundamental” para entre todos os actores implicados acadar a continuidade da factoría e dos postos de traballos. “O Goberno central seguen sen convocala, esa é a realidade”, sinalou.
“A realidade é que o principal problema é o prezo da enerxía e o Goberno de España ten a competencia. Falta un marco enerxético estable e un prezo asequible do que si dispoñen outros países europeos. Necesítase para que compitan en igualdade de condicións co resto da industria electrointensiva europea”, concluíu.
Dende o Grupo Provincial Popular recordan que os propios representantes dos traballadores manifestaron o seu malestar “porque dende o Goberno central nin dende o Ministerio fixeron nada por solucionar o problema, é máis, afirman que o propio ministro nin se puxo en contacto cos traballadores”.
MELLORA DAS ESTRADAS PROVINCIAIS DA ZONA SUR
Os deputados do Grupo Provincial Popular critican a falta de coherencia do PSOE e do BNG que votaron en contra dunha iniciativa que reclamaba o arranxo das estradas da Deputación nos concellos da zona sur da provincia “mentres os concelleiros de PSOE e BNG neses mesmos municipios votan a favor das iniciativas do PP para mellorar o mantemento das carreteras provinciais, ou incluso as presentan eles mesmos”.
Antonio Ameijide recorda que esta é a principal reclamación dos veciños da provincia en 66 dos 67 municipios da provincia. “Todos os concellos teñen a rede viaria da Deputación en mal estado, agás o concello no que goberna José Tomé que as ten en perfecto estado de revista”, sinalou.
Para os populares é fundamental desenvolver un plan para a reparación, mellora e mantemento das vías provinciais como están a reclamar de xeito reiterado á vista das queixas que lles trasladan alcaldes, portavoces e os propios veciños, neste caso os veciños dos municipios do sur da provincia – como Bóveda, A Pobra do Brollón, Pantón, Sober ou Carballedo, por citar algúns – que ocasionan trastornos diarios aos usuarios ao dificultar a súa mobilidade e, ademais, a conexión dos visitantes con puntos de interese turístico da Ribeira Sacra.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
