Ribadeo, 12 de decembro de 2024. En Ribadeo remataron as obras no Centro de Día, que supuxeron un investimento de 50.000 euros por parte da Xunta de Galicia. O alcalde, Dani Vega, agradece a contribución da administración galega para a mellora deste concello.
O rexedor explicou que “remataron as obras do Centro de Día cunha inversión por parte da Xunta de Galicia de 50.000 euros, concretamente con Política Social, a cal lle queremos dar as grazas por todo o que está contribuíndo para mellorar Ribadeo, en edificios e tamén en actividades. Ese financiamento nos está servindo e nós estamos aproveitándoo para actividades e tamén para mellorar os edificios que están destinados ás persoas”.
Vega indicou que “neste caso o Centro de Día, que estaba nunha situación bastante complexa, había unha falta de inversión e nós, cando chegamos, xa nos puxemos a traballar. Houbo un primeiro convenio de 16.300 euros, con certas melloras e agora estes 50.000 euros. Qué melloras se fixeron? En toda a parte dianteira o que se fixou foi un acondicionamento para que as persoas poidan estar realizando actividades fora. Creo que a construción desa beirarrúa con nivel vai ser de moito agrado para as persoas que acoden ao Centro de Día. Tamén queríamos construír esa rampla con esa varanda de seguridade. Entón desde o punto de vista da seguridade melloramos, pero tamén desde un punto de vista da accesibilidade”.
Para o alcalde “é preciso seguir traballando na mellora da accesibilidade dos edificios, tanto en prazas públicas como en edificios. Estamos avanzando, pouquiño a pouco. No Centro de Día, que parece contraditorio, pero era así, era moi complicado que unha persoa con mobilidade reducida entrara con certa tranquilidade, ou xa non digo un vehículo que puidera estar ou acceder con maior facilidade. Creo que a mellora da accesibilidade e da seguridade é importantísimo. Seguir mellorando o edificio, a fachada ou o entorno das ventás, todo iso que estaba certamente bastante descoidado, corrixímolo”.
Dani Vega engadiu: “tamén queremos dotar de equipamento ao Centro de Día, 31 cadeiras que se aportaron, e seguir con certas melloras na parte interior do edificio. Toda esta inversión seguirá avanzando nese Ribadeo social que queremos. Está moi ben investir, está moi ben conseguir orzamento para arranxar os edificios, pero debemos ser conscientes que debemos conservalos e facerlles o mantemento adecuado. Polo tanto, unha nova inversión, un novo convenio, que ven por parte da Xunta de Galicia para mellorar nesta caso o Centro de Día”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
