Trátase dunha demanda dos gandeiros afectados e, de feito, algúns deles advertían recentemente nunha reunión na Pastoriza sobre “o incremento dos ataques” que derivan nunha situación “insostible”
Lugo, 20 de decembro de 2024. Os senadores do Partido Popular pola provincia de Lugo -José Manuel Barreiro, José Manuel Balseiro e Juan Serrano- destacan que “o Grupo Popular logrou aprobar no Senado unha proposta para retirar o lobo da Listaxe de Especies Silvestre en Réxime de Protección Especial (LESRPE)” e urxen ao Goberno de Sánchez a “cumprir o acordo”.
Os populares lamentan que “o PSOE se opuxera a rebaixar o nivel de protección do lobo en consonancia co aprobado pola Comisión Europea e que o BNG nin asistira á Comisión Xeral das Comunidades Autónomas do Senado para debater esta proposta demandada polos gandeiros lucenses, como nos trasladaban recentemente algúns deles nunha reunión na Pastoriza”.
De feito, os propios afectados polos ataques desta especie xa tiñan manifestado a súa oposición á inclusión do lobo nesta listaxe -en setembro do 2021- e agora que a Comisión Europea aprobou a rebaixa da protección da especie de estritamente protexido a protexido “o Goberno de España ten a oportunidade de corrixir esta situación e adoptar unha decisión en consonancia coa UE e co que demandan os propios gandeiros ante unha situación insostible”.
Os senadores trasladaron a súa “satisfacción” pola aprobación desta proposta que coincide tamén coas reivindicacións das comunidades autónomas lobeiras, as do norte do río Douro, entre as que se atopa Galicia.
A propia conselleira de Medio Ambiente e Cambio Climático, Ángeles Vázquez, solicitou onte no Senado que as comunidades autónomas poidan realizar accións de control puntual sobre o lobo, así como a revisión do nivel de protección desta especie para adaptalo á realidade de cada territorio.
Desde a inclusión do lobo na Listaxe de especies silvestres de réxime de protección especial (LESRPE), en setembro de 2021, en Galicia os avisos por ataques incrementáronse nun 72%. “O aumento do número de ataques evidencia que o estado do lobo en Galicia e na nosa provincia non é desfavorable”, indican.
O Senado insta ao Goberno a:
1.- Que inicie de forma inmediata os trámites para que as poboacións do lobo ao norte do Douro saian da Listaxe de Especies Silvestres en Réxime de Protección Especial (LESRPE), e que derogue a Orde TED/980/2021, de 20 de setembro, pola que se modifica o Anexo do Real Decreto 139/2011, do 4 de febreiro, para o desenvolvemento do LESPRE e do Catálogo Español de Especies Ameazadas na súa totalidade.
2.- A revisión da Estratexia española de conservación do lobo ibérico para que se adecúe aos datos dos censos actuais e se aproba unha nova estratexia co consenso das comunidades autónomas.
PSOE E BNG DAN AS COSTAS AOS GANDEIROS
Os populares inciden en que “o PSOE galego e lucense opúxose a esta proposta”. É dicir, “volve aliñarse con Sánchez e en contra dos gandeiros lucenses”. E, no caso do BNG, “nin sequera participou no debate demostrando o pouco que lle interesan os gandeiros e os lucenses”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
