As Pícaras dominan un complicado encontro ante un dos rivais máis duros da categoría, o Roldán
Burela, 11 de xaneiro, 2025 . Ás 18.45h desta tarde no pavillón municipal Vista Alegre de Burela, celebrouse a 16ª xornada da liga de Primeira División Iberdrola FS, o CD Burela FS – STV Roldán FSF, cun resultado final 3-1. Ao comezo do encontro celebrouse un acto previo no que o Concello de Burela fixo entrega de dous obsequios ao equipo xuvenil feminino do CD Burela FS en recoñecemento polo Subcampeonato de España e ao senior “B” feminino pola Copa Autonómica e ascenso a Preferente, ambos os logros alcanzados durante a tempada pasada 2023/2024. Por parte do concello entregou o presente ao conxunto filial do club de futsal mariñán, a alcaldesa Carmela López Moreno; e ao xuvenil a concelleira de igualdade, Sandra Fernández Cillero.
Arrinca o Burela con forza co primeiro tanto no minuto 4, un saque de falta preto da área rival que saca Emilly combinando a xogada con Carolina Pedreira que a mete cun disparo cruzado dende a área. No minuto 7 Débora anota o segundo nun rexeite tras un disparo de Dany. Continúa un partido con moito xogo de balón e ocasións por ambos lados, aínda que máis por parte do conxunto local, pero sen goles, ata o descanso. No minuto 18 ocasión clarísima de Patricia que protagoniza un cara a cara con María Valsera que detén o ataque no bordo da área.
Comeza a segunda parte con golazo de Patricia no minuto 21, meténdoa de cabeza por toda a escuadra nun pase de saque de banda de Cami. Desenvólvese a segunda parte de forma similar á primeira, con moito xogo de balón e abundantes ocasións que non logran finalizar con éxito con moitas boas intervencións da porteira que defende os paus das visitantes nesta segunda metade, Cristina. No 33 Mariángeles Villa logra recortar distancias nun disparo frontal desde o bordo da área nunha boa combinación con Martinha tras un saque de banda. Nos últimos 3 minutos Kilian Belmonte téntao presionando con Ángela Górriz de porteira-xogadora, pero non logra exceder a defensa burelense. Remata o encontro cun 3-1 para as locais que dominaron o partido de principio a fin.
Tras os resultados de hoxe as Pícaras colócanse terceiras na táboa, empatadas a puntos co seu eterno rival, o Futsi, ambos a dous puntos das melillenses que se manteñen líderes na clasificación con 45 puntos. Tres primeiros postos que se afastan considerablemente do Alcorcón, que ocupa a cuarta posición a 12 puntos das nosas. A semana que vén o conxunto de Julio Delgado xogará o derbi comarcal ante o FSF Castro Bloques Cando, ás 19.30h no pavillón municipal Ribeiras de Lea.
Ficha Técnica CD Burela FS 3-1 STV Roldán FSF
CD Burela FS (3): Caridad; Dany (C), Cami, Antía Pérez, Emilly – cinco inicial-, Carolina Pedreira, Dinha, Dany (C), Débora, Noelia Montoro, Cris Lourés. Entrenador: Julio Delgado.
STV Roldán FSF (1): María Valsera; Mayte Mateo (C), Alba Gandía, Ángela Górriz, Martinha, –cinco inicial-, Andra, Mariángeles Villa, Bárbara, Carmen, Cecilia, Rocío, Cristina. Entrenador: Kilian Belmonte..
Goles: 1-0, min.4: Carolina Pedreira. 2-0, min.7: Débora. 3-0, min.21: Patricia. 3-1, min.33: Mariángeles Villa.
Árbitros: Roberto Segundo Amor Vizoso, Tania María Penabad Canel, Sergio Blanco Gómez, Andrea de Luís Iglesia.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
