Será ás 21:00 horas no local social de Lieiro, coa colaboración da asociación de veciños Nosa Señora de Lieiro. Contará coa actuación do Dúo Dilema. A cita gratuíta está aberta a todo o público.
ÚLTIMA HORA
- Co pregón de Ana Boñar Rey comezaron este xoves as festas de Xove
Houbo un cheo total no salón de actos do Centro Cívico arroupando a Ana María Boñar, farmacéutica titular en Xove, que foi a encargada de dar o pregón das festas como pistoletazo de saída a estes días de celebración. Nel fixo un repaso pola súa traxectoria laboral e profesional durante todos estes anos na localidade. - O Concello de Ortigueira, en colaboración co GDR Seitura 22, no marco do proxecto "Redenerxía", organiza unha charla informativa dirixida a toda a poboación do municipio
O evento, de acceso libre e gratuíto, ten como obxectivo achegar o concepto das comunidades enerxéticas e as súas vantaxes á cidadanía. A charla celebrarase o xoves, 4 de setembro, ás 20:00h no Teatro da Beneficencia. Durante a xornada explicaranse as oportunidades que ofrecen as comunidades enerxéticas para a explotación dos recursos locais, os seus beneficios económicos e ambientais, e os pasos necesarios para a posta en marcha deste tipo de iniciativas. - REYCO será un dos principais patrocinadores do Burela FS esta tempada
A empresa mariñá líder en transportes e loxística a nivel internacional será clave para a supervivencia do club neste curso. - Concerto benéfico da Coral Polifónica de Ribadeo
Será en beneficio da AECC o xoves 4 de setembro ás 20.30 h no Teatro de Ribadeo. - Extinguido o incendio forestal da Fonsagrada-San Pedro de Río
Ás 23.13 horas deste mércores quedou extinguido o incendio rexistrado o martes ás 01.50 horas no concello lucense da Fonsagrada, parroquia de San Pedro de Río, que finalmente afectou unha superficie de 53,47 hectáreas, 8 delas de arborado e as 45,47 restantes de raso. Mobilizáronse para a súa extinción, de xeito acumulado, 2 técnicos, 17 axentes, 30 brigadas, 28 motobombas, 2 pas, 3 helicópteros e 4 avións. - A charanga Bicoia, chegada de terras ourensáns, encheu de ritmo as rúas da vila nun novo Domingueo en Ribadeo, organizado por Acisa dentro do programa 'O noso comercio é vida, vive Ribadeo', que se desenvolve ata o 31 de agosto
Tamén tivo lugar a segunda xornada do Mercado de Rúa, no que se dan cita máis de vinte comercios locais, que ofrecen descontos especiais sacando os seus stocks ás rúas ribadenses. Esta cita volverá os días 30 e 31 de agosto. Este luns, arranca a grande semana multiaventura de Acisa con rocódromo, inchables, festa da escuma e un deslizador de máis de 100 metros de longo. Toda a información está na web www.acisaribadeo.es e nas redes sociais do colectivo empresarial ribadense - A exposición "Encontros de Xolo coa Arte" chega á Casa da Cultura de San Cibrao
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
2021 Crónica 3 A Mariña - Implementado por GaliciaDigital