Foz, 23 de xaneiro de 2025. O Concello de Foz continúa o seu traballo na organización do Entroido deste ano. O primeiro evento do mesmo é a Cea de Coroación da Raíña, que será o día 15 de febreiro na carpa da rúa Atalaia. Neste evento a raíña entrante, Coral Rey Oliveros, recibirá a coroa da raíña saínte, Carlota Fernández del Riego. Coma nos últimos anos, a maneira de anotarse é a través do correo electrónico, polo que se pon a disposición a dirección entradascoroacionfoz@gmail.com para facer a inscrición. O prazo comeza o vindeiro luns, día 27 de xaneiro, ás doce da noite e remata o 2 de febreiro.
O Concello de Foz explica que “as entradas serán outorgadas por orde de entrada e ata cubrir o aforo. Para anotarse será necesario enviar un listado cos nomes das persoas que queren acudir, o nome da mesa (tradición desta cea), así como os teléfonos de dúas persoas que se fagan responsables por se a organización necesita contactar con elas. Será necesario especificar o número de menores que acudirán e cales o son no listado. Non se admitirán menores de 14 anos e os menores asistentes deberán facelo cun adulto responsable. As entradas poderán devolverse ata o día 7 de febreiro e non está permitida a revenda. Non se admitirán correos enviados fóra do prazo indicado”.
O menú da cea inclúe empanada, sopa de cocido, costela asada ao forno, postre, viño, refresco, auga e café e chupito. Será amenizada polos djs Alejandro Martínez e Mía Disko. As entradas entregaranse na primeira planta da Casa da Cultura o día 4 de febreiro en horario de 10.00 a 12.30 e de 17.30 a 19.30 e os días 5 e 6 de febreiro de 17.30 a 19.30 horas.
“Agradecemos que os asistentes acudan disfrazados, xa que é un evento de Entroido e neste caso acompañar á raíña no seu día de toma de posesión pide un bonito disfrace”, explica a concelleira de Cultura, Inés López Couto.
Non se permitirá a entrada a persoas que non acudan á cea.
En próximas datas publicaranse as bases para poder participar no gran desfile do día 1 de marzo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
