A Casa de Galicia en Madrid acolleu este xoves a presentación oficial da vixésima edición da Feira Expomar, que se celebrará na nave de redes do porto de Burela (Lugo) do 7 ao 10 do mes de maio
Burela, 24 de xaneiro, 2025. A XX edición da feira náutico-pesqueira Expomar 2025 presentouse oficialmente este xoves 23 de xaneiro nun acto institucional na Casa de Galicia en Madrid. O obxectivo deste evento era aproveitar o marco da feira internacional de turismo Fitur e dar maior relevancia ao alcance global de Expomar dentro dos sectores da pesca e a industria naval.
No acto interviñeron, ademais da presidenta da Fundación Expomar e alcaldesa de Burela, Carmela López; o conselleiro do Mar da Xunta de Galicia, Alfonso Villares; a secretaria xeral de Pesca do Ministerio de Agricultura, Pesca e Alimentación, Isabel Artime; e o presidente da Deputación de Lugo, José Tomé.
O xerente da Fundación Expomar, José M. González “Brais”, e o presidente da Casa de Galicia, Luis Ramos, deron a benvida a todos os asistentes, entre os que se atopaban diferentes personalidades do sector pesqueiro e político galego e nacional, como a directora do Instituto Social da Mariña (ISM), Elena Martínez; a directora xeral de Ordenación Pesqueira e Acuicultura do MAPA, Aurora de Blas; as deputadas Patricia Otero e Rosa Quintana, exconselleira de Mar da Xunta de Galicia; os senadores José M. Balseiro e César Mogo; o delegado do Goberno en Galicia, Pedro Blanco; o secretario xeral do PSdeG-PSOE, José Ramón Gómez Besteiro; así como representantes dalgunhas das empresas expositoras en Expomar e diferentes deputados provinciais e alcaldes galegos que se atopan en Madrid aproveitando a celebración da feira internacional de turismo Fitur.
A presidenta da Fundación Expomar e alcaldesa de Burela, Carmela López; puxo en valor a celebración do vixésimo aniversario da feira Expomar, renovando unha vez máis a decidida aposta do Concello e da Fundación por seguir potenciando e promocionando o sector da pesca.
Pola súa banda, José Tomé e Isabel Artime, desde a presidencia da Deputación de Lugo e a secretaría xeral de Pesca do MAPA, respectivamente, felicitaron á Fundación Expomar por celebrar esta vixésima edición dun evento tan importante para a provincia de Lugo e para o sector pesqueiro en xeral; brindando de novo o seu apoio a Expomar en todas as actividades que promove para potenciar en sector pesqueiro.
Pechou o acto o conselleiro do Mar da Xunta de Galicia, Alfonso Villares, que destacou a Burela como un dos principais centros da pesca mundial, que volverá converterse en epicentro do sector pesqueiro non só coa feira, senón tamén coas Xornadas Técnicas e Encontro Empresarial de Expomar 2025.
Ao finalizar a presentación, na que un centenar de persoas encheron o salón principal da Casa de Galicia en Madrid, púidose degustar un menú degustación patrocinado pola Conselleria do Mar da Xunta de Galicia, no que se atopaban receitas con algúns dos principais produtos pesqueiros das frotas de Burela, como a pescada do pincho, o bonito do norte ou o peixe espada: “peixe espada afumado en curry frío de coco e xenxibre”, “tiradito nikkei de bonito de Burela con leite de tigre e maracuxá” e “guacamole con pescada do pincho de Burela agridoce e torreznos de algas”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
