O Pleno aprobou este martes unha proposta de Goberno para que o Executivo galego arquive os expedientes sancionadores abertos a Triacastela, Samos, Folgoso do Courel e Pedrafita do Cebreiro relacionadas coa cobertura da demanda de horas deste servizo
Lugo, 28 de xaneiro de 2025. A Deputación de Lugo esixiralle á Xunta de Galicia que retire as sancións aos concellos da provincia con problemas para cubrir a demanda do Servizo de Axuda no Fogar (SAF) e un novo plan de financiamento que garanta a prestación deste servizo. Así se acordou no Pleno ordinario do mes de xaneiro celebrado este martes tras unha proposta de Goberno que foi aprobada cos votos a favor do PSdeG e do BNG e cos votos en contra do PP.
Explicou o Presidente da Deputación de Lugo, José Tomé Roca, antes da sesión plenaria, que “a nosa proposta de Goberno é para dicirlle á Xunta que ten que facer xustamente o contrario do que está facendo”. Nese sentido, sinalou que os concellos asumen unha parte moi importante do custe do SAF e que a Xunta de Galicia o que debería é aumentar o que está pagando aos concellos para que poidan prestar este servizo. “Non creo que sexa a mellor maneira para axudar aos cidadáns, poñer castigos en vez de medios”, valorou o mandatario provincial.
Engadiu a Voceira socialista do Goberno, Pilar García Porto, que “as deficiencias na xestión da rede de servizos sociais da Xunta, especialmente no que fai referencia á atención a dependencia, veñen xerando un crecente malestar”. Argumentou a Deputada que os atrasos de ata dous anos na prestación do servizo, a falta de prazas residenciais e, no que ten ver co SAF, “é un exemplo de deslealdade institucional e desprezo aos veciños e veciñas” ao poñer coas sancións aos concellos de Triacastela, Samos, Pedrafita do Cebreiro e Folgoso do Courel “que poden chegar a supoñer multas de ata 20.000€ para as facendas locais”.
García Porto lamentou que xusto estes catro concellos teñen entre 600 e 1.200 habitantes dos que máis do 40% xa superaron os 65 anos. Unha circunstancia que obriga aos respectivos gobernos locais a facer un enorme esforzo económico para cubrir este servizo esencial. E a Xunta actúa neses casos “de mala fe e prefire sancionar en lugar de solucionar”, mentres dedica ao SAF só un 1% dos seus Orzamentos.
O texto da proposta recolle, ademais, instar á Xunta de Galicia que arquive os expedientes sancionadores abertos a estes concellos, que suspenda sine die a política de sancións aos concellos que non poden atender actualmente o incremento de demanda das horas do SAF e que abra un proceso de análise e negociación coa FEGAMP para modificar o financiamento deste servizo tendo en conta as necesidades dos concellos: subir de 12 a 20€ o prezo da hora pagado pola Xunta e incrementar os servizos de valoración da dependencia para reducir as listas de espera.
Reparación da LU-651 do Courel
O Pleno sacou tamén adiante unha moción dos socialistas para pedirlle á Xunta de Galicia que repare a estrada LU-651 do Courel e un plan integral de mellora para as vías de titularidade autonómica na provincia de Lugo. A iniciativa saíu adiante tras unha moción presentada polos socialistas e contou cos votos a favor do BNG e os votos en contra do PP.
Tomé Roca valoraba neste caso de “vergonza” “que o PP se dedique a criticar os baches dos demais, a tardanza do Goberno en facer os viadutos do Castro que xa están funcionando porque se construíron en tempo récord, e sen embargo ten a estrada do Courel desde fai tres anos sen tocar”. Explicou que ademais de ter por facer o tramo que se derrubou, o tramo que tiña que facer a Xunta desde hai máis de 15 anos entre Folgoso e Seoane para mellorar as comunicacións da Montaña lucense está “empantanado” mentres a Deputación si acometeu o treito que lle correspondía entre Pedrafita e Seoane.
García Porto explicaba durante o Pleno que en marzo do 2022 afundían 200 metros desta estrada LU-651 do Courel e dous anos e 10 meses despois a veciñanza continúa sen recuperar a conexión viaria, lamentando precisamente o “funambulismo político” do PP ao que aludía o Presidente para criticar ao Goberno do Estado e á Deputación polo mal estado e a falla de investimento na rede provincial de estradas “calando ante o esforzo orzamentario da institución provincial que se ten incrementado nun 42% ata os 27M€” e “sen mencionar o abandono da estrada de Folgoso do Courel”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
