Alfoz, 31 de xaneiro de 2025. Desde a ANPA do CEIP Castro de Ouro de Alfoz “queremos denunciar publicamente a estratexia de manipulación de datos que a Consellería de Educación vén aplicando desde o inicio deste conflito, tratando de confundir ás familias, á comunidade educativa e agora tamén á Valedora do Pobo”.
“A resposta enviada pola Consellería á Valedora é a última mostra desta estratexia, xa que afirman que o noso centro conta con 27 alumnos/as, cando a realidade é que son 39. Este falseamento de datos busca minimizar a gravidade da situación e evitar asumir as súas responsabilidades no cumprimento da normativa vixente”.
“Non é a primeira vez que a Consellería altera os números á súa conveniencia. En cada reunión que mantivemos, foron dando cifras distintas sobre o alumnado matriculado, así como na resposta parlamentaria do conselleiro, onde os datos tampouco coincidían coa realidade do centro, e agora na resposta á Valedora do Pobo, onde se presenta novamente unha cifra manipulada para xustificar a falta de recursos”.
“Ademais, a Consellería está ignorando o impacto dos alumnos con necesidades de apoio educativo, que deben ser ponderados no cálculo das ratios, facendo que a situación sexa aínda máis grave do que xa aparenta. Esta omisión intencionada busca xustificar a falta de docentes, cando en realidade os recursos actuais son claramente insuficientes para garantir unha atención educativa adecuada”.
“A propia Valedora recoñece que a nosa situación é excepcional e recomendou que se cumprira o Acordo do 10 de xullo de 2009 sobre agrupamentos, que impide mesturar alumnos de distintos ciclos cando a cifra supere os 12, e que os sindicatos veñen de denunciar ante os tribunais. A resposta da Xunta pretende esquivar esta realidade con datos falsos e argumentos inconsistentes”, indican as familias.
“Sabemos que detrás desta estratexia hai un intento de evitar a rectificación por parte da Consellería, nun contexto no que a presión mediática sobre este caso é utilizada pola administración como represalia contra as familias. “Tratar de enganar á Valedora do Pobo de forma tan descarada é unha actuación mal intencionada e irresponsable. As familias non imos calar ante esta manipulación e imos seguir loitando para que os nosos fillos e fillas teñan a educación que merecen”, indican desde A ANPA”.
Por todo isto engaden, “esiximos que a Consellería rectifique de inmediato os datos presentados e admita a realidade da situación do CEIP Castro de Ouro”, garantindo os recursos necesarios para que se respecte a legalidade e o dereito a unha educación de calidade. “Sobre todo tras sermos coñecedores de que outros centros educativos, con números similares aos nosos, contan non so cun mestre mais senón con dous”, recalcan desde a ANPA. Eso sen contar a falta dunha especialista en Pedagoxía Terapéutica, retirada neste curso a pesares de haber no centro alumnado con necesidades específicas.
A ANPA seguirá denunciando todas as irregularidades e mentiras da Administración, “porque os dereitos do noso alumnado non son negociables. Como parte desta loita, enviarase unha nova carta á Valedora do Pobo solicitando o seu amparo e esixindo que a Consellería rectifique os datos manipulados e cumpra coa legalidade vixente”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
