Os mariñanos pelexaron os 40 minutos ante un Palma superior, que non permiteu nin perdoou
Burela, 19 de febreiro, 2025. O Burela FS disputou ás 20.00h desta tarde o encontro da xornada 18 da 1ª División de Fútbol sala ante o coloso Illes Balears Palma Futsal no Son Moix cun resultado final 5-2. Dos encontros máis duros do ano, nun trepidante mes de febreiro no que teremos dous partidos por semana. Primeira parte dura para un Burela que tentou crear ocasións pero ao que lle foi difícil atoparse na pista rival e unha segunda parte moi diferente para o conxunto mariñán que, aínda que permite en certas ocasións encaixando máis goles dos que debería, fai fronte a un Palma con moitas rotacións a pesar do cansazo tras unha longa viaxe no mesmo día e xerando numerosas e boas ocasións con bastante mala sorte e momentos puntuais que penalizaron a un equipo que sempre mostra a súa versión máis pasional ata o último minuto.
Comeza o partido coas primeiras ocasións para o equipo local que arrinca con forza. No minuto 2 o Burela xa encaixa o primeiro gol, un disparo de Ernesto que a recupera en cancha rival e métea cun disparo afastado. Mantense a defensa visitante con poucas ocasións pero non deixando puntuar aos locais e no minuto 11 chega o segundo, un gol de Fabiano nun disparo raso directo de falta que se coa entre a barreira laranxa e entre as pernas de Michal. Continúa tentando reverter a situación o Burela cuns minutos nos que conseguen ser máis ofensivos e no minuto 16 unha man xera unha falta perigosa que dispara Juninho e detén Luan Muller, pero escápaselle o balón e Pitero aproveita a ocasión burlando á defensa e meténdoa na portería local, anotando o primeiro para os mariñáns e recortando distancias. Pero a dous minutos do descanso Fabinho volve anotar cun golazo por toda a escuadra tras recortar a Rikelme ao bordo da área.
No segundo tempo comeza tentándoo Isma cunha primeira ocasión para o conxunto dos de David Rial, un Burela que sae moi concentrado nesta segunda parte. Varias oportunidades nos primeiros minutos, clarísima no minuto 24 no que Alberto saca de esquina cruzando a cancha ata Juninho que dispara pero Luan Muller despéxaa a corner de novo. Bos minutos para o Burela pero un pequeno erro pasa factura ante un equipo-titán que anota o cuarto no minuto 25 cun pase da morte de Ernesto a Charuto. Non se rende o Burela e continúa tentando entrar no partido con moita máis posesión que na primeira parte e xerando máis ocasións. Case a mete Juninho de tacón no 28 tras un pase afastado de Charly que remata o xogador brasileiro con tan mala fortuna que dá no pau. Continúan crecendo os mariñáns e conseguen o segundo, un golazo do capitán da selección chilena, Bernardo Araya, que a coa en portería rival tras unha boísima recuperación e asistencia de Charly. Pero dous minutos despois e notándose o cansazo dos xogadores do plantel laranxa chega o quinto tanto dos mallorquinos nun pase ao segundo pau de Mateus Maia a Gordillo que a empuxa dentro da portería. Saca o porteiro-xogador o técnico santiagués nos últimos minutos xerando algunha ocasión pero ante unha férrea defensa local que non permite achegarse no marcador aos nosos Pícaros, que regresan a casa sen puntos pero preparados para outro complicado partido este sábado en Vista Alegre fronte ao primeiro clasificado da táboa, o Movistar Inter, ás 18.00h.
Ficha Técnica Illes Balears Palma Futsal 5-2 CD Burela FS
Illes Balears Palma Futsal (5): Luan Muller; David Peña, Neginho, Ernesto, Charuto -quinteto inicial-, Gordillo, Marcelo, Fabinho, Rivillos, Machado, Bruno Gomes, Mateus Maia e Nil. Entrenador: Antonio Vadillo.
CD Burela FS (2): Kaluza; Araya, Rikelme, Isma, Charly -quinteto inicial-, Pitero, Juninho, Alberto, Marc Campàs e Quelle. Entrenador: David Rial.
Goles: 1-0, min. 2: Ernesto. 2-0, min. 11_ Fabinho. 2-1, min.16: Pitero. 3-1, min.18: Fabinho. 4-1, min. 25: Charuto. 4-2, min. 32: Araya. 5-2, min.34: Gordillo.
Árbitros: Jairo Leiva Martínez, David Pizarro Megías, Diego Martínez García, Sandra Santos Arranz.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
