Encarna Lago incorporarase a este foro internacional como membro ordinario
Lugo, 18 de marzo de 2025. A xerente da Rede Museística Provincial Encarna Lago incorporarase ao Comité Internacional para a Museoloxía Social como membro ordinario, a proposta da súa xunta directiva. A participación no Comité establécese por dous anos, de 2025 a 2027.
A incorporación a este foro internacional no que participan responsables de museos de 18 países de Europa e América supón un novo recoñecemento ao traballo que se desenvolve nos museos provinciais para reforzar os vínculos destes espazos culturais coa comunidade e o territorio en que se ubican e recuperar para a narrativa dos museos a memoria de grupos sociais relegados ou discriminados en función de diferentes desiguldades.
Encarna Lago valorou a oportunidade que este nomeamento supón para “seguir visibilizando o que facemos desde a Rede Museística en Lugo ao tempo que sinalou a responsabilidade que implicará traballar con profesionais de todo o mundo coa Museoloxía Social como ferramenta, asumindo a responsabilidade social fronte ás crecentes e persistentes ameazas aos Dereitos Humanos”
Comité Internacional para a Museoloxía Social
O Comité Internacional para a Museoloxía Social é un dos 34 comités internacionais do ICOM (Consello Internacional de Museos), unha entidade dedicada a fomentar a protección do patrimonio, a formación de profesionais dos museos e a investigación que integra museos museos de 129 países e territorios.
Creado en 2023, este foro internacional sobre museoloxía social funciona como un centro mundial de reflexión sobre cuestións relativas á museoloxía social. Establece estándares, formula recomendacións e canaliza o intercambio de experiencia profesionais e información científica entre membros do ICOM neste ámbito de coñecemento.
O Comité está formado 65 membros ordinarios, responsables de museos de España, Portugal, Francia, Italia, Reino Unido, Estados Unidos, Cuba, Venezuela, México, Perú, Chile, Colombia, Brasil, Arxentina, Bolivia, Costa Rica, Ecuador e República Dominicana.
A declaración emitida tras a súa última conferencia internacional, celebrada o pasado mes de febreiro en Lisboa, subliña a necesidade de “repensar o papel dos museos e dos procesos museolóxicos na sociedade contemporánea” e “asumir inequivocamente a súa responsabilidade social” fronte ás crecentes e persistentes ameazas aos Dereitos Humanos”.
Web do Comité https://somus.mini.icom.museum/homepage/welcome-pagina/
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
