En concreto, realizouse unha actuación integral na vía que une os lugares de Marrube e Calvario, incidindo unha vez máis na mellora da seguridade e da accesibilidade das nosas zonas rurais
Cervo, 24 de marzo, 2025. O Concello de Cervo vén de acometer estes días unha mellora integral das vías de comunicación da parroquia de San Román.
En concreto a actuación, que supón un orzamento superior aos 100.000 euros -103.006,89 euros concretamente- procedentes dos fondos do Plan Único, céntrase no camiño que une os lugares de Marrube e Calvario.
Tal e como precisou a alcaldesa, Dolores García Caramés, que supervisou a actuación en compañía do edil de Obras, Adrián Arias, do pedáneo da zona, Antonio Vila, e dos membros da Comunidade de Montes, Pablo Paleo e José Santos, “con esta nova actuación seguimos a traballar na mellora da accesibilidade e da seguridade das nosas zonas rurais, dirixindo fondos públicos a seguir apostando por equilibrar a balanza dos servizos das nosas zonas rurais e urbanas incidindo na igualdade de oportunidades para todas as familias, independentemente do lugar onde residan”
A rexedora puxo así mesmo o foco sobre “a importancia que teñen as nosas zonas rurais, que son o corazón da nosa identidade cultural e que durante os últimos anos levan enfrontando desafíos importantes, como poden ser as deficiencias en infraestruturas viarias”.
Por elo, desde o Concello de Cervo, facemos unha firme aposta por destinar cartos públicos a ir mellorando estas arterias de comunicación, e tamén outras infraestruturas básicas, para contribuír á mellora da calidade de vida das familias que están asentadas nestas zonas, e tamén como un impulso para poder favorecer a chegada de novos veciños que axuden a seguir enchendo de vida as nosas aldeas, apostando porque teñan as mesmas oportunidades e servizos, sen importar onde se resida, sentenciou.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
