Ribadeo, 26 de marzo, 2025. “Nestes días pasados vimos de asistir a unha situación ben paradoxal: ao mesmo tempo que o alcalde ten que recoñecer que perdeu unha subvención porque o Concello non podía poñer a súa parte comprometida no convenio asinado coa Xunta para reformar o parque dos Indianos, agora quérese gabar do logro dunha subvención da UE para podermos adquirir os terreos necesarios para levar a cabo o Plan Especial das Catedrais”, explica o BNG.
“Esta iniciativa púxose en marcha co anterior goberno. De feito, así se recolle no expediente, onde se indica que tal candidatura emana dos esforzos realizados na Proposta LIFE-GLOBAL 2021 (101074612), que recibira 64,75 puntos, e na proposta LIFE GLOBAL 2022 (101114237), que recibira 66,50 puntos. Ditas valoracións foron favorábeis, pero non acadaron as puntuacións necesarias para seren financiadas. O anterior goberno non desistiu ante a adversidade e continuou a preparar unha nova proposta, que cristalizaría nunha nova solicitude en tempo xa de desconto do mandato 2019-2023”.
“O obxectivo era conseguir financiamento para a adquisición de 25 parcelas (que ocupan unhas catorce hectáreas) que lindan co mar nas parroquias da Devesa (especialmente na contorna da praia das Catedrais), na de Rinlo e mais en Vilaframil. A finalidade é ben clara: restaurar os hábitats costeiros de flora autóctona”.
Agora que se fixo pública a concesión de tales axudas, “Daniel Vega colle carreira e preséntase ante a sociedade ribadense como o gran conseguidor. Di el que tras algo máis de 18 meses (dous anos practicamente) as xestións do actual goberno dan os seus froitos. Madia leva! En todo caso, menos mal que continuaran co labor comezado polo anterior goberno. Que leven a parte de mérito que lles corresponda. Pero querer dar a impresión de que é o logro da súa boa xestión, ignorando o que precisamente vén recollido no propio expediente, non é honesto nin moi honrado que digamos”.
“Hai que ter ben pouca vergoña para presentarse como o grande xestor xusto uns días despois de ter recoñecido que o Concello de Ribadeo acababa de perder unha subvención por non dispoñer de diñeiro suficiente para facer fronte á achega que lle correspondía. Esa carreira cara a adiante, dicindo que imos ter outro convenio no que se nos concede o 100% da subvención, e non presentar negro sobre branco dito convenio, é un brinde ao sol, ou un canto ao teixo de Arante. Si, ese teixo que disque cortaramos no anterior mandato, pero que de xeito milagreiro brotou de novo aos poucos días”, conclúen os nacionalistas.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
