A CONSELLERÍA DO MAR CIFRA OS DANOS OCASIONADOS POLO TEMPORAL “BECKY” NAS ESTRUTURAS PORTUARIAS EN MÁIS DE 4,3 MILLÓNS DE EUROS
?? Á parte das estruturas portuarias quedan pendentes de avaliación os posibles danos ocasionados nas zonas marisqueiras, nas embarcacións e mais nas artes e aparellos, ao tratarse dun estudo que require máis tempo para obter os resultados
?? A Xunta de Galicia comezará as dilixencias oportunas ante a compañía aseguradora das estruturas portuarias para que se faga cargo do pagamento dos danos ocasionados polo fenómeno meteorolóxico adverso
?? Na procura da salvagarda dos habitantes dos municipios afectados actuarase inmediatamente naquelas instalacións cuxos danos poidan ocasionar un perigo para os cidadáns
A Consellería do Mar trasladou hoxe ao Consello da Xunta un informe en que dá conta das consecuencias do temporal “Becky” no relativo ás instalacións portuarias. O departamento que dirixe Rosa Quintana realizou unha avaliación económica dos danos nos portos galegos e establecen o importe de 4.349.344 de euros como orzamento inicial dos danos ocasionados polo temporal nestas infraestruturas. Neste sentido, a Xunta de Galicia anunciou que comezará as dilixencias oportunas ante a compañía aseguradora das estruturas portuarias para que se faga cargo do pagamento dos danos ocasionados polo fenómeno meteorolóxico adverso.
Durante o consello celebrado hoxe determinouse que a relevancia das avarías rexistradas fai necesaria a súa pronta reparación co fin de garantir o correcto funcionamento da estrutura, acadar unha normalización da actividade portuaria e evitar calquera risco para a integridade física das persoas. Deste xeito, comezarase de inmediato a reparación daqueles danos en estruturas que poidan supor un perigo para os habitantes dos municipios afectados.
A pesar desta primeira aproximación das perdas ocasionadas por “Becky” en Galicia, quedan pendentes de avaliación os posibles danos orixinados nos recursos mariños, nas embarcacións e mais nas artes e aparellos. O tempo e o mal estado do mar son factores que están a atrasar este estudo que precisa de máis tempo para poder obter resultados.
Principais danos
O temporal afectou sobre todo os portos da provincia de Lugo e do norte da provincia da Coruña. Así, vironse afectadas as instalacións portuarias de Ribadeo, Rinlo, Foz, Burela, San Cibrao, Portocelo, Celeiro, O Vicedo e O Barqueiro -na provincia de Lugo- e Bares, Espasante, Cariño, Mugardos, Suevos, Malpica de Bergantiños, Arou, Laxe, Camariñas, Santa Mariña e Camelle na provincia da Coruña. Os portos da provincia de Pontevedra case non sufriron danos, só pequenas incidencias derivadas do forte vento que tiveron como consecuencia voaduras de tellados, desprendementos de tellas e pequenas avarías na iluminación.
Na zona norte, desde Ribadeo a Mugardos, o orzamento estimado dos danos é de 3.499.644 euros. Entre as perdas ocasionadas nesta zona destacan as do porto de Cariño onde os estragos se produciron no peche do porto das instalacións do PBIP (instalacións de seguridade do peirao comercial). Ademais caeron 50 metros do murete de proteción e romperon as portas dos departamentos de usuarios. No porto de San Cibrao a forza do mar levou unha parte do dique de proteción, o aire levantou os tellados de dous departamentos de usuarios e caeron varios portais. No porto de Bares viuse moi afectada a escollera do dique e producíronse importantes avarías nas rampas e pavimentos. En Ribadeo perdeuse a proteción do dique así como as canalizacións, arquetas e tapas de sumidoiros. No peirao de Espasante o temporal afectou a diversos peches e o muro do contradique. Ademais viuse afectado o pavimento e a iluminación.
Na denominada zona centro, comprendida entre Suevos e Muros, o orzamento inicial estimado para sufragar os gastos das incidencias polo fenómeno meteorolóxico adverso é de 849.600 euros. Así, entre os danos ocasionados destaca o porto de Malpica de Bergantiños, onde a forza do mar fixo que se desprendese parte do muro próximo á lonxa e que se desprazasen algúns bloques do dique. No porto de Corme e tamén no de Laxe, resultaron afectados os diques de defensa. No porto de Suevos as perdas afectaron fundamentalmente os departamentos de usuarios polo derrubamento de portas e a caída de dous soportes de iluminación. Tamén sobresaen os danos acaecidos en Camelle, onde a auga danou, entre outros, o pavimento do porto.
O temporal “Becky” rexistrou ondas de ata 17 metros na Coruña, situáse nos 10 metros. Os danos máis importantes producíronse pola combinación de fortes ondas, ventos superiores a 90 quilómetros/hora e a incidencia da preamar viva.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
