Será ás 18:30 horas nas Escolas Vellas de San Román, coa colaboración da Comunidade de Montes desta parroquia, e que contará coa actuación do Dúo Zafiro.
ÚLTIMA HORA
- Fernández Vizoso falará este xoves en Foz da emigración mariñá, do tráfico de emigrantes e da masonería
- De Ninghures abrirá este xoves as festas de San Roque de Viveiro
- Burela recibirá o 20 de agosto ao Cuarteto Casals no Festival Bal y Gay
- 5 actuacións lúdicas e musicais arrufarán a Romería de San Caetano de Celeiro de Mariñaos os días 16 e 17 de agosto
- 60 mozxs de Xove de entre 9 e 16 anos, desprazáronse este mércores ás instalacións do Urban Planet de Oleiros
Estiveron acompañadxs polo persoal voluntario e monitoras de Mañás Activas xunto coas dúas técnicas de xuventude, para gozar dunha mañá nas distintas actividades que ofrece este parque de trampolíns. Pola tarde pararon a xantar no Lago das Pontes para coñecer a historia da súa creación e darse un baño na praia. Esta viaxe estivo organizada polas Concellerías de Xuventude e Deporte e a Oficina de Información Xuvenil dentro do programa “Verán Xove 2025”. - O Pesca II participa no rescate dun ferido no Vicedo
O 112 Galicia recibiu unha chamada arredor das 12:20 horas deste mércores na que un particular informaba dun ferido na marxe do río Sor, preto do monte Insua. Atopábanse nun terreo ao que era difícil acceder e xunto co ferido, quen non era capaz de camiñar. Con isto, solicitouse a intervención do Servizo de Urxencias Sanitarias de Galicia-061, dos Bombeiros de Viveiro e da Garda Civil. A dotación de bombeiros conseguiu chegar ata o punto, aínda que a zona imposibilitaba o paso da ambulancia. Desta maneira, informouse ao Servizo de Gardacostas de Galicia, que mobilizou o helicóptero Pesca II para trasladar á vítima ata o hospital de referencia. - A explanada da Madalena converterase o venres 22 de agosto no epicentro musical das Festas de San Ramón e Santa María de Vilalba co “venres da xira”, unha cita que contará con actuacións de artistas locais e convidados, ofrecendo unha ampla variedade de estilos e propostas musicais
O programa desta edición arrincará ás 21:00 horas con Decrux B2B Bristradd nun chill house set; seguirá ás 22:00 horas con El Chocolay e Jorgito + Talent; ás 23:00 horas será a quenda de Cris V; ás 00:30 horas subirá ao escenario David García; e para pechar a noite, ás 2:00 horas, volverán Decrux B2B Bristradd. - Este martes houbo atraccións na Praza dos Campos para as crianzas de Cervo Concilia
Estivo tamén aberto ao público en xeral dentro de Enredando no verán. - Semana chea de actividades no Vicedo
O xoves ás 16:15h Concurso de Figuras de Area na praia de Abrela. Como sempre haberá 4 categorías, premios para os mellores e agasallos para todos. O sábado 16 ás 10h unha ruta guiada gratuita a cargo de Rutas Galicia Norte, entre a Igrexa parroquial do Vicedo, praia de Xilloi e Mirador das Laxes, repasando toda a historia e xeoloxía da zona. - Controlado o incendio forestal da Fonsagrada, parroquia de Monteseiro,
Está controlado desde as 14.42 horas deste domingo o incendio forestal da Fonsagrada, parroquia de Monteseiro, que se iniciou ás 15.30 horas do martes e que, segundo as últimas estimacións, afecta arredor de 150 hectáreas. Para a súa extinción mobilizáronse, ata o momento, 6 técnicos, 57 axentes, 74 brigadas, 80 motobombas, 3 pas, 7 helicópteros e 8 avións. - A conselleira do Medio Rural, María José Gómez, asistiu este sábado ao pregón de apertura da XXXIII edición do Mercado Medieval que se celebrou en Mondoñedo
Neste evento, Gómez salientou a importancia deste tipo de feiras para promocionar os produtos agroalimentarios de Galicia, así como para impulsar as producións locais de proximidade. Ademais, a conselleira puxo en valor a ampla tradición deste Mercado Medieval, que está considerado como un dos máis antigos da provincia e que presenta unha ampla oferta de postos artesáns. Estes espazos amosan os oficios tradicionais da Idade Media, proporcionan a posibilidade de degustar diferentes produtos alimentarios, entre outras actividades.
2021 Crónica 3 A Mariña - Implementado por GaliciaDigital