Tras esta visita institucional, Osvaldo Chantre e o tenente da alcaldesa, Mario Pillado, viaxarán o 1 de abril a Sevilla para participar no IV Foro Mundial de Desenvolvemento Económico Local
Burela, 31 de marzo de 2025. O Concelleiro de Agricultura, Gandaría e Pesca de Tarrafal, Osvaldo Chantre, visitou hoxe Burela dentro dunha viaxe organizada polo Fondo Galego de Cooperación e Solidariedade. O obxectivo desta visita foi coñecer de preto o funcionamento do sector pesqueiro local e establecer posibles vías de cooperación.
Durante a xornada, Chantre visitou a Cofradía de Pescadores de Burela, onde puido analizar o modelo de xestión aplicado na vila mariñeira. Posteriormente, foi recibido institucionalmente no Concello de Burela, e xa pola tarde, percorrerá o Barco Museo Reina del Carmen e coñecerá as instalacións de ABSA, puidendo observar de primeira man os procesos que caracterizan a industria pesqueira da zona.
A alcaldesa de Burela, Carmela López, destacou a relevancia deste tipo de encontros e subliñou que a comunidade caboverdiana é unha parte esencial da identidade local.
“A presenza de Osvaldo Chantre en Burela representa moito máis ca unha visita institucional: é un símbolo do profundo vencello que nos une con Cabo Verde. A comunidade caboverdiana é parte esencial da nosa identidade, e contribúe día a día a facer de Burela unha vila máis rica, diversa e acolledora”.
Destacou tamén que compartir experiencias no ámbito da pesca “permítenos avanzar xuntos e seguir aprendendo uns dos outros. “Este tipo de encontros fannos máis fortes como pobo e abren camiños para un futuro de cooperación e respecto mutuo.”, destacaba López.
Pola súa banda, o tenente da alcaldesa, Mario Pillado sinalou que esta visita exemplifica a importancia da colaboración cos países do Sur, especialmente con Cabo Verde.
“Esta é unha mostra mais da ferramenta que nos ofrece o Fondo Galego de Cooperación e Solidariedade para colaborar cos países do Sur, nomeadamente con Cabo Verde, o que nos serve para tender pontes e que o aprobeitamento sexa nos dous sentidos”, concluíu Pillado.
Mañá martes, 1 de abril, Mario Pillado e Osvaldo Chantre viaxarán a Sevilla para participar no IV Foro Mundial de Desenvolvemento Económico Local, que se celebrará ata o xoves 3 de abril, representando tamén ao Fondo Galego de Cooperación e Solidariedade.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
