Ademais, na sesión plenaria, os socialistas de Mondoñedo tamén apoiaron unha Declaración Institucional para demandar e comprometer a tódalas institucións, organismos e entidades implicadas para atopar unha solución urxente ao problema das inundacións en Santa María Maior
Mondoñedo, 3 de abril de 2025. Os Socialistas de Mondoñedo emprazan ao PP a arranxar de xeito urxente a Ponte de Arco en Masma, antes de que a caia ao río. Na sesión plenaria celebrada o pasado mes de marzo, a primeira que se convoca dende fai 4 meses, presentaron un rogo para que o Concello inste ás entidades competentes si fora o caso, a darlle unha solución a este ponte que esta a piques de caer, e leva así nesta situación, case 5 anos. Actualmente segue deteriorándose e provocando moitos prexuízos á veciñanza desta parroquia, xa que non poden circular vehículos pola mesma.
Solución urxente en Santa Maria Maior
Ademais, nesta mesma sesión plenaria os socialistas de Mondoñedo tamén apoiaron unha Declaración Institucional para demandar e comprometer a tódalas institucións, organismos e entidades implicadas para atopar unha solución urxente ao problema das inundacións en Santa María Maior. “A veciñanza desta parroquia merece respostas e solucións, por iso é prioritario que tódolos axentes e administracións implicados traballen xuntos para solventar os problemas de escorrentias nesta parroquia, e que afecta gravemente a varias vivendas”, remarcan.
Queixas dos camiños municipais en Argomoso
Dende o PSdeG tamén se interesaron polas obras que se están realizando na parroquia de Argomoso. “Xa que recibimos queixas dos veciños de como se estaban a executar estes arranxos, concretamente no barrio de Sopena, onde se botou unha capa de riego asfáltico, evidenciando o mal estado do firme, e deixando a estrada case como estaba inicialmente, é dicir como senón fixeran nada de nada”. Ademais no barrio de Escourido, onde tamén viven varias familias, quéixanse de que polo de agora o Concello non vai arranxar os camiños municipais por esta zona, “e os veciños advirten que dentro de pouco non van poder transitar por estes viais municipais do mal que están”, insisten.
Limpeza da Escola de Musica e arranxo en San Roque
Nos rogos, os socialistas de Mondoñedo demandaron a limpeza do edificio da Escola de Musica Municipal, “xa que leva moito tempo sen realizarse unha limpeza en profundidade neste centro educativo”. Tamén solicitaron que se recoloquen as pedras que hai tiradas no chan ao carón da igrexa de San Roque, “que dan unha imaxe de abandono e suciedade neste entorno”.
Os socialistas tamén preguntaron pola situación na que se atopa o PEPRICH, e si existe polo de agora algún informe desfavorable?. “Dende o PSdeG temos constancia de que hai dous informes en contra, e que segundo nos comunicaron estanse solventando. E sobre a situación na que se atopa explicaron que aínda queda unha segunda ronda de avisos de comunicacións aos interesados”.
Ademais, os socialistas de Mondoñedo reclamaron explicacións sobre o funcionamento da biblioteca Municipal Peña Trapero. Xa que lembran que esta sede atopase dentro da Rede de Bibliotecas Públicas de Galicia. “Unha plataforma que permite desfrutar aos seus usuarios de publicacións de toda a rede de Galicia, e que actualmente non se atopan na nosa biblioteca municipal. Pero polo de agora, os mindonienses non poden desfrutar destas ventaxas, xa que na Biblioteca de Mondoñedo non hai habilitado os equipamentos informáticos necesarios para poder recibir estas novas publicacións”, sinalan.
Pago de factura do ano 2022
Por último, dende o PSdeG-PSOE de Mondoñedo tamén reclamaron explicacións sobre un recurso contencioso-administrativo dunha empresa, con sede en Lugo, contra Concello de Mondoñedo relacionada cunha reclamación administrativa de 1.023 euros, realizada o 10 de xuño de 2022. Tal como consta na documentación foi destinada á compra dunhas bolsas de algodón, sendo xestionada esta compra por Elena Candia. Segundo confirmou o Alcalde, Manuel Otero, nesta sesión plenaria, xa se realizou o pago desta factura no mes de decembro de 2024, e non se fixo antes “porque non había contratación”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
