O Concello reforza a súa cooperación internacional e afonda na relación con Cabo Verde
Burela, 4 de abril de 2025. O Concello de Burela forma parte da delegación galega que está a participar no VI Foro Mundial de Desenvolvemento Económico Local, que se celebra en Sevilla e que reúne a máis de 3.000 asistentes de máis dun cento de países. O evento, organizado polo Fondo Andaluz de Municipios para la Solidaridad Internacional (FAMSI), céntrase en abordar os desafíos da transición dixital, social e económica desde unha perspectiva territorial.
O tenente da alcaldesa, Mario Pillado, integra a representación do Fondo Galego de Cooperación e Solidariedade, xunto con representantes dos concellos de Nigrán, Tui e Boiro. Durante o foro, os asistentes tiveron a oportunidade de intercambiar experiencias con gobernos locais, entidades do terceiro sector e administracións rexionais e nacionais.
“Neste foro poidemos coñecer e compartir experiencias con compañeiros doutras administracións locais, rexionais e nacionais, así como con persoal de entidades do terceiro sector. É moi enriquecedor coñecer persoas de máis de 100 países que teñen entre as súas prioridades a cooperación e a solidariedade”, destacou Pillado.
A relación entre Burela e Cabo Verde tivo un especial protagonismo nesta edición do foro. A delegación galega mantivo encontros con representantes das Cámaras de Cabo Verde, incluído o presidente da federación destas entidades, así como coa secretaria de Estado de Cooperación, Eva Granados.
“Foi especialmente interesante coñecer ao persoal de diferentes Cámaras de Cabo Verde e falar coa secretaria de Estado de Cooperación, que nos trasladou o seu coñecemento sobre a estreita relación entre Burela e Cabo Verde. Isto pode supoñer un primeiro paso para establecer proxectos de cooperación”, sinalou o tenete da alcaldesa.
Ademais, os representantes galegos tamén participaron nunha reunión do Consello Confederal da Confederación de Fondos de Cooperación y Solidaridad, na que o Fondo Galego exerce a vicepresidencia. Durante a xuntanza, abordáronse propostas de colaboración co Goberno central e avanzouse na organización do 3º Encontro Estatal de Gobernos Locais e Cooperación Internacional, previsto para maio en Gandia (Valencia).
Pillado quixo destacar e agradecer “o traballo do persoal técnico do Fondo Galego de Cooperación e Solidariedade por facer posible a participación neste interesante foro”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
