Ribadeo, 3 de maio de 2025. Ribadeo anima aos propietarios de vivendas do casco histórico da vila e do Ari de Rinlo a solicitar subvencións para proceder á súa rehabilitación. O prazo do que dispoñen será de 3 meses.
O alcalde, Dani Vega, anima “a solicitar subvencións para rehabilitar as casas no conxunto histórico no Ari de Ribadeo e tamén no Ari de Rinlo. O prazo xa está aberto, será de tres meses para solicitar esta subvención e ten valoracións. Evidentemente, enerxía primaria non renovable, redución do consumo da enerxía primaria e todo o que afecte á estrutura tanto de cubertas como de cerramentos, que aí tamén hai un aforro enerxético, todo ten unha valoración, dende 30 puntos a 10 puntos”.
O rexedor subliñou que “é necesario cumprir os requisitos, é dicir a redución do consumo da primaria non renovable polo menos que sexa do 30% e a redución da demanda enerxética anual global de calefacción, refrixeración, polo menos dun 35%. As axudas van dende 8.000 euros a 21.400, preto de 22.000 euros. E a subvención do custo da actuación poderá ser dende o 40 % ao 80 % da contía máxima por axuda”.
Vega explicou: “estamos a falar de que hai un período considerable para xustificar a subvención, que é ata o 30 de abril de 2026, e cando se publique no Boletín Oficial da Provincia, xa se poden solicitar estas subvenciones”.
O alcalde ribadense engadiu: “nosoutros, dende o Concello, sempre o dicimos: obxectivo rehabilitar, obxectivo conservar, obxectivo coidar o noso casco histórico de Ribadeo e tamén o Ari de Rinlo. Recordar que estamos nos 20 anos de declaración BIC de todo o conxunto histórico, durante todo este tempo todos os gobernos intentaron facer o mellor para conservar un conxunto histórico que, desde logo, é o máis vivo, o máis renovado e con máis actividade tamén de toda a provincia. Volvemos sacar estas subvencións co obxectivo de rehabilitar e conservar o conxunto histórico de Ribadeo e o Ari de Rinlo”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
