Ribadeo, 5 de maio de 2025. O Concello anima a participar na I Andaina Ribadeo en Marcha contra o Cancro, que se celebrará o 17 de maio con saída desde o Parque de San Francisco ás 11:00 horas.
O evento está organizado pola Asociación Española de Loita contra o Cancro, que conta coa colaboración do Concello de Ribadeo e de Eroski Center e co patrocinio de Solán de Cabras e Acisa.
A concelleira de Benestar Social, Elena Sierra, manifestou: “esperamos que sean muchas las personas que se unan a esta andaina del 17 de maio. Estamos ante un acto solidario por una gran causa. Todo lo que se recaude con la inscripción irá destinado a seguir mejorando la vida de las personas con cáncer y la de sus familias”.
A edil ribadense dixo que “empezar por cambiar nuestros hábitos nos ayudará a mejorar nuestra salud”. E destacou “el gran trabajo que la AECC de Ribadeo lleva realizando desde hace muchos años en nuestro municipio”.
As inscricións para participar na I Andaina Ribadeo en Marcha contra o Cancro xa se poden facer online e de xeito presencial serán do 12 ao 16 de maio de 12 a 14 horas no local da AECC na rúa Viejo Pancho, nº4.
A Andaina foi presentada esta mañá na Sala de Exposicións do Parque de San Francisco.
Patrocinio de Acisa
Acisa patrocina a I Andaina Ribadeo en Marcha contra o Cancro, que terá lugar o vindeiro 17 de maio.
No acto de presentación a presidenta de Acisa, Carmen Cruzado agradeceu “á AECC de Ribadeo e de Lugo a posibilidade de poder colaborar con esta causa, estamos moi contentos de poder facelo, xa que esta actividade axústase aos fins sociais da nosa asociación”. E animou ás veciñas e aos veciños de Ribadeo “a facer un oco nas súas axendas o vindeiro 17 de maio para participar nesta andaina, que partirá do Parque de San Francisco ás 11:00 da mañá”. A presidenta de Acisa fixo unha chamada á solidariedade “con esta causa, xa que calquera de nós pode ter que botar man dos servizos que presta a AECC, calquera de nos ten coñecidos ou familiares que padecen cancro ou calquera de nós pode ser afectado”.
As persoas que non poidan participar poden colaborar cun donativo, como inscrición solidaria, para a AECC. “Todo o que se recade irá destinado a seguir mellorando a vida das persoas con cancro e as súas familias e a impulsar a investigación oncolóxica, para conseguir un 70% de supervivencia no ano 2023”, explican desde a AECC en Lugo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
