Os deputados populares esixen a José Tomé “que deixe a un lado as mentiras e as escusas e se poña a traballar para garantir o mellor trato para as persoas usuarias deste centro de maiores así como que se cumpre o prego de condicións do contrato e se respectan ao 100% as condicións laborais das traballadoras”
Trabada, 7 de maio de 2025. O Grupo Provincial Popular na Deputación de Lugo desvela que polo menos hai 10 queixas rexistradas no libro de reclamacións da residencia de Trabada o que evidencia que “José Tomé mentiu a semana pasada cando negou a existencia de calquera tipo de problema no centro”.
Neste senso, o deputado provincial e portavoz do PP de Trabada, José María Fernández, esixe a José Tomé “que diga a verdade” xa que trala xuntanza de onte “o único que dixo foi que o PP buscar réditos políticos cando nós o único que buscamos é o mellor trato para os usuarios e que se respecten as condicións laborais das traballadoras”.
Ademais, trala xuntanza celebrada onte entre familias dos usuarios da residencia de Trabada e a Deputación provincial de Lugo, dende o Grupo Provincial Popular esixen a José Tomé “que deixe a un lado as mentiras e as escusas e se poña a traballar para garantir o mellor trato para as persoas usuarias deste centro de maiores así como que se cumpre o prego de condicións do contrato e se respectan ao 100% as condicións laborais das traballadoras”.
Por iso mesmo, José María Fernández convida ao presidente da Deputación “a retractarse” das palabras que dende o goberno provincial “negouse calquera tipo de problema ou irregularidade no funcionamento do centro” a pesar de que “as familias dos usuarios levan moitos meses alertando dos numerosos problemas existentes, algúns dos cales figuran por escrito no libro de reclamacións, chegando ao extremo de que se interpuxo algunha denuncia ante a Garda Civil dada a gravidade da situación”.
O deputado popular insiste en que “o noso único obxectivo é garantir o mellor servizo para os usuarios e que se cumpran as condicións establecidas no prego de licitación e que se respectan os dereitos das traballadoras”.
Ademais, José María Fernández insiste en que tanto o goberno da Deputación como o Concello de Trabada deben de pedir escusas públicas “por negar a existencia dos problemas que cada día é máis evidente que existen”.
PETICIÓN DE ACCESO Á RESIDENCIA DE TRABADA
Os deputados populares recordan que se pedirá acceso á residencia para ver a realidade e falar coas traballadoras, usuarios e familiares, “á vista de que a Deputación e o Concello levan meses mirando cara outro lado”.
José María Fernández insiste en que “os responsables da residencia son o Concello e a Deputación” e cre que “os responsables dos gobernos local e provincial, nun asunto coma este, deberían ser capaces de escoitar e atender as nosas reclamacións, que responden ás reclamacións dos usuarios e as súas familias, para mellorar a xestión do servizo por parte da empresa adxudicataria, porque é nefasta”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
