Foz, 10 de maio de 2205. O Concello de Foz recibirá en propiedade do Consorcio Galego de Igualdade e Benestar a residencia e centro de día nun prazo inferior a dous meses. Así llo trasladou o xerente do Consorcio, Perfecto Rodríguez, ao alcalde, Fran Cajoto, e á concelleira de Asuntos Sociais, Ana Rojo, este pasado xoves en Santiago.
“Mantivemos unha xuntanza da comisión mixta de seguimento do convenio Consorcio – Concello este xoves en Santiago, na que participaron os servizos xurídicos do propio Consorcio e do Concello de Foz. A reunión foi celebrada a instancia do Concello, que a solicitou o 11 de febreiro do presente ano. O xerente do Consorcio e os seus servizos xurídicos trasladáronnos que dispoñían de toda a documentación necesaria e que nos transferirán, tal e como asinamos no convenio, a propiedade da residencia e centro de día nun prazo inferior a dous meses”, indica o alcalde.
O rexedor municipal de Foz reclama de novo unha reunión coa conselleira de Política Social, Fabiola García, que xa pediu “por activa e por pasiva. É indignante que non tivera a decencia de concertarnos unha cita despois de tantos anos. Estamos a falar de que a Consellería de Política Social adebeda anualmente ao Concello de Foz máis de 700.000 euros polo servizo de axuda no fogar e pola residencia e centro de día. Hai que buscar solucións: unha posibilidade pode pasar polo concerto de prazas coa residencia municipal, tal e como fai a Xunta con empresas privadas”, explica Fran Cajoto, que engade: “a Xunta está a facer deixadez de funcións nas súas competencias, abandonando aos maiores de toda Galicia. É curioso o que está a pasar, en concellos gobernados tanto polo PSOE como polo Partido Popular. Sen ir máis lonxe en Foz PP e BNG bloquearon a adxudicación da residencia proposta pola mesa de contratación con un prezo de 2.012,92 euros ao mes (IVE incluído) para un grao III, dispoñendo o Concello de Foz de axudas de emerxencia para todos aqueles usuarios que non tiveran patrimonio. Os motivos cada vez están máis claros cando o Concello de Castro de Rei, gobernado polo Partido Popular, acaba de sacar a licitación a xestión da residencia con un custo por usuario de 2.184,52 euros para un grao III, IVE incluído. A media da pensión en Foz é de 17.000 euros e en Castro de Rei de 14.600, segundo o Instituto Galego de Estatística. Estamos fóra de toda lóxica”.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
