O delegado territorial, Javier Arias, explicou que se prevé un investimento de arredor de 25.000 euros para ampliar a oferta de ocio e sacar maior partido a estas instalacións
Lugo, 13 de maio de 2025. A Consellería de Cultura, Lingua e Xuventude acondicionará dúas pistas de pickleball no Espazo Xove de Viveiro, o que permitirá ampliar a oferta do centro e sacar maior partido da súa zona deportiva.
O delegado territorial da Xunta en Lugo, Javier Arias, sinalou que se prevé un investimento aproximado de 25.000 euros para habilitar dúas canchas que cumpran as medidas regulamentarias deste deporte de raqueta.
O pickleball é unha disciplina en auxe que combina elementos do tenis, pádel, bádminton ou tenis de mesa, apropiado para persoas de todas as idades. Xógase en pistas similares ás de bádminton pero cunha rede máis baixa, que teñen algo máis de 13 metros de lonxitude e unha anchura necesaria de 6,10 metros para os partidos de dobres e 3,05 metros para os individuais. Utilízanse pelotas perforadas e raquetas sólidas e lixeiras.
Arias explicou que se considera unha modalidade apropiada para ese espazo, condicionado pola súa localización entre o antigo convento de San Francisco e un bloque de pisos; por un lado, deben evitarse afeccións visuais ao monumento e, por outro, molestias aos veciños e veciñas.
O obxectivo é acometer as obras necesarias nos próximos meses e, unha vez rematadas, invitar aos escolares dos centros educativos do municipio para que se inicien nesta disciplina.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
