Foz, 16 de maio de 2025. O alcalde de Foz, Fran Cajoto, mantivo este xoves, día 15, unha reunión de traballo co Xefe Provincial de Tráfico de Lugo, Alberto Rodríguez Fernández, e a presidenta e o vicepresidente da Asociación de Autoescolas de Lugo, Mónica Pérez Pérez e José Soto Peña.
O rexedor municipal indica: “dende o pasado ano 2024 estamos en conversas coa xefatura provincial da Dirección Xeral de Tráfico. Para nós é moi importante que Foz se consolide como un centro de referencia para a obtención dos permisos de conducir, evitando desprazamentos innecesarios a Lugo. O convenio que se propón entre o Xefatura Provincial de Tráfico e o Concello de Foz vai beneficiar ás nosas veciñas e veciños, xa que poderán seguir sacando o permiso de conducir no Concello, nunhas instalacións renovadas”.
O borrador de convenio, que o alcalde presentará á corporación municipal, “establece un marco de colaboración no cal a Xefatura Provincial de Tráfico se compromete a realizar polo menos unha vez ao mes as probas do exame de conducir nunha aula que debe adecuar o Concello, equipándoa dos medios informáticos necesarios. A Dirección Xeral de Tráfico está a mudar o papel por exames informatizados. Isto vai permitir coñecer de forma inmediata os resultados, o que supón un beneficio evidente para todos aqueles que se presenten ás probas”, explica Fran Cajoto.
O Xefe Provincial de Tráfico, Alberto Rodríguez, agradeceu “la gran disponibilidad que ha mostrado tanto el Ayuntamiento como el alcalde para la informatización del aula y la realización de proyectos futuros”.
A presidenta da Asociación de Autoescolas de Lugo, Mónica Pérez, destacou “la disposición del Ayuntamiento de Foz en la informatización del aula, que no sólo dará un servicio a los habitantes del municipio de Foz sino de toda la Mariña”.
O vicepresidente da Asociación, José Soto, salientou, como delegado na comarca, “o agradecemento ao Concello de Foz por un servizo ao pobo que se estende a toda a costa de Lugo. Foi unha reunión máis que positiva”.
Na reunión tratáronse tamén futuras accións de colaboración da Asociación de Autoescolas co Concello de Foz, apoiándose nas instalacións de seguridade viaria que hai no peirao. Outro tema a tratar foi o perigo do alcohol e substancias estupefacientes ao volante e as posibles campañas para incidir nunha condución segura.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
