María Loureiro recrimina ao actual goberno que use “escusas” e lembra que o PP deixou en 2003 unha débeda de máis de 11 millóns de euros e máis dun millón en sancións por licenzas mal concedidas
Viveiro, 17 de Maio de 2025. A Agrupación Socialista de Viveiro responde con contundencia ás declaracións realizadas este venres pola alcaldesa popular, Mariña Gueimunde, sobre a multa de 2.700 euros imposta por Costas pola instalación dunha carpa nos xardíns durante o Entroido.
“Esta sanción é unha escusa para xustificar a súa falta de xestión. Desde a oposición todo é moi fácil, pero agora que están no goberno son conscientes de que as cousas non o son tanto”, afirma a voceira socialista, María Loureiro.
Loureiro lembra que “o que se está executando en Viveiro nestes momentos son obras e proxectos que deixou o noso goberno socialista. Todo o que se está facendo ou está previsto facer foi xestionado polo PSdeG. É evidente que quedaron cousas sen tramitar, porque nos botaron en só dez días cunha moción de censura, sen tempo para pechar os trámites en curso”.
En relación coa sanción de Costas, Loureiro aclara que “nos estamos a enterar polos medios de comunicación. Non estamos de acordo con esa multa, xa que sempre se tramitou con diálogo coa administración. O Concello de Viveiro tivo problemas todos os anos á hora de instalar a carpa, porque os espazos están afectados por Costas ou por Portos de Galicia. Neste caso, mesmo se valorou a posibilidade de instalala no pavillón Antonio Tarrío, pero a Consellería de Educación da Xunta de Galicia non o permitiu”.
Desde o PSOE de Viveiro denuncian a “hipocrisía do Partido Popular ao falar de suposta mala xestión”, cando foron eles, en 2003, os que deixaron ao Concello “unha débeda de máis de 11 millóns de euros” coa súa saída do goberno. “O mentor da actual alcaldesa foi o responsable daquela etapa desastrosa, e durante o noso mandato tivemos que pagar máis de 1 millón de euros en sancións por licenzas mal concedidas polo PP”, explica Loureiro.
A voceira socialista explica que un dos casos máis escandalosos foi o do Pazo de Grallal, no que o anterior goberno do PP concedeu unha licenza sen a autorización de Patrimonio tan só dous días despois de perder as eleccións. “Por esa irresponsabilidade, o Concello tivo que pagar preto de 800.000 euros ao promotor. E non foi un caso illado: tamén en Nicolás Cora tivemos que regular e sacar unha altura ao edificio e pagar 450.000 euros. E en Lodeiro, onde afrontamos outra multa de 100.000 euros. Todo isto derivado de erros cometidos polo PP cando gobernaba”.
“Non estamos orgullosos da sanción de 2.700 euros, pero resulta insultante que veñan agora a dar leccións de xestión cando fomos nós quen tivemos que pagar as consecuencias do seu nefasto mandato. Esa é a verdadeira herdanza do Partido Popular en Viveiro”, concluíu Loureiro.
En relación á suposta negociación sobre os orzamentos municipais, o PSdeG de Viveiro aclara que, contra o que deu a entender o actual goberno local, “a día de hoxe non existe ningún proceso aberto neste sentido”. A agrupación socialista subliña que non recibiu ningunha proposta formal nin foi convocada a ningunha reunión para abordar esta cuestión.
A formación reitera a súa disposición ao diálogo e á colaboración, sempre desde a responsabilidade e co obxectivo de garantir a estabilidade institucional e o interese xeral da veciñanza. Ao mesmo tempo, lembra que o Partido Popular foi quen se opuxo sistematicamente á aprobación dos orzamentos cando exercía na oposición.
Está organizado pola Asociación Cultural e Artesanal de Mulleres Palilleiras "As Encaixeiras" e conta co apoio do Goberno galego. O porto de Burela é o escenario no que as palilleiras convocadas amosan o seu traballo ás persoas que se achegan. O programa inclúe tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
