Os populares consideran que “a pesar dos anuncios do presidente, o seu plan de estradas non é ambicioso” porque, no caso de Muras, anunciaba actuacións na LU-P-6502, pero en ningún punto do seu termo municipal e só prevén actuar nun 10% do total dos km de vías provinciais no concello (nos últimos 6km da LU-P-3804 que levan anos cun importante deterioro”
Muras, 23 de maio de 2025. O mal estado xeneralizado das estradas provinciais no municipio de Muras xera queixas continuas entre os veciños e veciñas que reuniron preto de 170 firmas -1 de cada 3 veciños- para reclamar ao goberno provincial a mellora da practica totalidade da rede viaria que é titularidade da Deputación ao seu paso polo municipio.
A reclamación que asina boa parte dos veciños e veciñas de Muras esixe ao goberno que preside Tomé a reparación de forma urxente o pavimento destas vías de titularidade provincial, se mellore a sinalización e o seu mantemento e se programen debidamente os traballos de limpeza das marxes.
O portavoz provincial, Antonio Ameijide, e a portavoz municipal do Partido Popular, Eugenia Requeijo, instan ao PSOE e ao BNG a “corrixir o estado de abandono das estradas provinciais” en Muras.
Os populares indican que “os plans de mellora da rede viaria da Deputación anunciados por Tomé veñen a recoñecer o que levamos moito tempo advertindo: que o goberno de PSOE e BNG leva anos desatendendo as necesidades das estradas”. E a pesar dos anuncios do presidente, “o seu plan de estradas non é ambicioso”.
Por exemplo, para as estradas que pasan polo concello de Muras anunciaba actuacións na LU-P-6502, pero en ningún punto do termo municipal de Muras a pesar de que se atopa en mal estado na súa totalidade e só actúan nun 10% do total. No caso da LU-P-3804, entre Belesar e O Viveiró, anunciaron recentemente actuacións nos últimos 6 km “que levan anos cun importante deterioro”. É dicir, “só prevén actuar nun 10% do total das estradas da Deputación en Muras ignorando o mal estado de moitas pistas que dificultan a mobilidade do día a día dos veciños”.
É o caso da LU-P-3406 (Irixoa – A Balsa) cun firme irregular froito do desgaste e o paso do tempo sen ser obxecto de ningunha mellora, a LU-P-3403 (Casateita – Portonovo) co firme estropeado pola maquinaria quitaneves, a LU-P-6602 (Sixto – Muras) onde fai anos que non se leva a cabo ningún tipo de mellora e as LU-P-3402 (A Gañidoira – O Viveiró), LU-P-3405 (As Louseiras – Mouriscón), LU-P-3811 (Cruz do Garamallo – Xoán Branco) tamén precisan actuacións diversas.
FALTA DE MANTEMENTO E RISCOS PARA OS USUARIOS
“Pedimos, entre todos, a mellora destas estradas que usamos a diario os veciños de Muras e que levan moitos anos sen ningún tipo de arranxo e están nun estado lamentable”, explica Eugenia Requeijo. A popular engade que “no inverno non hai quitaneves para limpar debidamente as estradas e o uso doutra maquinaria tamén dana o asfalto que queda sen reparar”.
Ameijide incide en que “os veciños e veciñas da provincia están fartos de circular por estradas provinciais que, polo seu mal estado e falta de mantemento, poden supoñer un risco para os usuarios”. Por iso, esixe “garantir a seguridade nestas estradas”. Así mesmo, engadiu que “estamos e estaremos do lado dos veciños para reivindicar que se volva a unha situación de normalidade para facilitar a mobilidade de todos os lucenses”.
.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
