Barreiros, 27 de maio de 2025. A rexedora de Barreiros, Ana Ermida, participa durante a xornada de hoxe e a de mañá no III Encontro de Gobernos Locais que se celebra en Gandía.
Tras formar parte como relatora na pasada edición destes encontros, que tivera lugar en Lugo no ano 2023, Ana Ermida acude nesta ocasión formando parte da delegación galega de 10 persoas, capitaneada polo Fondo Galego de Cooperación e Solidariedade.
As xornadas desenvolveranse coa participación de poñentes que representan as distintas institucións presentes na cooperación internacional; desde os concellos de todo o Estado ata institucións internacionais como o Parlamento Europeo ou o Centro para la Participación y el Desarrollo Humano Sostenible de Bolivia.
Durante o desenvolvemento do Encontro trataranse distintos aspectos sobre o papel dos municipios no ámbito internacional e a contribución destes na axuda ao desenvolvemento.
Ana Ermida destaca a “importancia de situar a Barreiros como referente nas políticas de cooperación e desenvolvemento, algo que é posible grazas ao traballo en rede que se levan moitos anos desenvolvendo desde o Fondo Galego e ao que Barreiros se sumou hai cinco anos”.
“Traballamos por amosar que Barreiros é un concello solidario e acolledor, algo que as veciñas e veciñas sempre exerceron e que temos o orgullo de visibilizar desde a institución coa que representamos a esa veciñanza”, afirma.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
