O conselleiro de Cultura, Lingua e Xuventude, acompañado polo director xeral de Patrimonio Cultural, visitou o templo no que se acaba de mellorar a iluminación
Mondoñedo, 28 de maio de 2025. O conselleiro de Cultura, Lingua e Xuventude, José López Campos, visitou hoxe a Catedral de Mondoñedo, onde se acaban de completar os traballos de renovación do sistema eléctrico e de iluminación. Trátase dunha actuación impulsada xunto coa Fundación Endesa e ao abeiro dun convenio coa Diocese de Ferrol-Mondoñedo que se encadra no compromiso da Xunta de Galicia coa conservación e posta en valor deste ben.
Así, tal e como explicou o responsable autonómico de Cultura, o Goberno galego dedica este ano preto de 300.000€ a este complexo catedralicio a través do plan de Catedrais de Galicia, a folla de ruta dotada con 38 millóns de euros que contempla un investimento de 6,5M€ para levar a cabo unha decena de actuacións en Mondoñedo. “Os galegos temos a sorte de contar cun rico e variado patrimonio cultural e templos como o de Mondoñedo son recursos cun papel fundamental tanto pola súa significación relixiosa como polo seu protagonismo social”, salientou López Campos.
Neste senso, o conselleiro puxo en valor que a Catedral de Mondoñedo é “unha das xoias do Camiño do Norte e está incluída na súa declaración como Patrimonio Mundial, polo que é especialmente importante o noso compromiso para reforzar e revalorizar o seu papel”. Para conseguilo, tal e como lembrou, a Xunta de Galicia tomou como punto de partida o “esforzo colectivo feito na Catedral de Santiago” para “actuar e blindar a conservación do resto das catedrais a través da suma de vontades de administracións e entidades como a Fundación Endesa”.
A actuación completada permitiu renovar a antiga instalación de electricidade e iluminación feita nos anos 60 co fin de asegurar un bo funcionamento e obter unha mellor eficiencia enerxética.
Con este obxectivo, propúxose un novo sistema de luces que ofrece unha maior visibilidade de espazos como as pinturas murais, o retablo, o altar ou a cátedra episcopal e que tivo tamén en conta a presencia e o efecto da iluminación natural. Para iso, proxéctase unha iluminación xeral do espazo empregando as cornixas e os capiteis de piares para minimizar a presenza de focos.
Como complemento, instaláronse proxectores regulables para a iluminación de detalle, focos lineais sobre as arcadas a un sistema de control de potencia e acendido de cada luminaria que posibilita a coordinación en grupos de funcionamento segundo as necesidades de cada momento.
No relativo a electricidade, os traballos levados a cabo incluíron a modificación da acometida e a instalación dun grupo electróxeno propio e dun cadro de protección para os circuítos de alumeado, forza e distribución. O proxecto completouse coa canalización de novas liñas de alimentación e de forza e coa instalación dun novo sistema de megafonía.
1,7M€ desde o ano 2015
A renovación da electricidade e iluminación súmase a outros traballos que están actualmente en marcha na Catedral de Mondoñedo para reparar a cuberta e o control e seguimento dos traballos de restauración das pinturas murais. Trátase de dúas actuacións que está previsto completar nos primeiros meses e que, xunto coas obras xa completadas, supoñen un investimento de preto de 300.000€ por parte da Xunta de Galicia.
Tal e como sinalou López Campos, estas actuacións forman parte do compromiso da Xunta de Galicia coa protección e conservación desta Catedral e que se reflicte na achega de máis de 1,7M€ feita polo Goberno galego desde o ano 2015 e que permitiu actuar xa nas vidreiras, na portada occidental, na casa dos Cóengos ou na cuberta do claustro.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.