As candidaturas pódense presentarse ata o 30 de xuño por persoas ou entidades a través da sede electrónica da Deputación e as bases, con toda a información da convocatoria, pódense consultar no BOP do día 29 de maio
Lugo, 31 de maio de 2025. A Deputación de Lugo vén de abrir o prazo para presentar candidaturas á sexta edición dos Premios á Excelencia do Turismo e da Gastronomía da provincia de Lugo, tras a publicación no Boletín Oficial da Provincia das bases que regulan esta convocatoria. Trátase dunha iniciativa consolidada que busca recoñecer publicamente o labor de persoas, entidades e proxectos que contribúen a fortalecer e poñer en valor o sector turístico e gastronómico lucense.
Estes galardóns, promovidos polo Consello Provincial de Turismo, forman parte da estratexia da Deputación para impulsar un modelo turístico sostible, competitivo e de calidade, apoiando ao tempo o dinamismo empresarial, a innovación e a conservación das tradicións locais. Tal e como explicou a Deputada de Réxime Interior, Promoción do Territorio e Turismo, Pilar García Porto, “estes premios son unha medida máis para apoiar e visibilizar o excelente traballo que se está a facer no noso territorio, tanto no ámbito do turismo como na gastronomía, dous sectores clave para o desenvolvemento da provincia”.
A convocatoria mantén as tres categorías:
Premio Lugo Cambia ao Turismo Lucense, que recoñece iniciativas que promovan de maneira destacada o turismo na provincia.
Premio Turismo Sostible, dirixido a proxectos exemplares por fomentar un modelo turístico respectuoso co medio ambiente e a identidade local.
Premio …E para comer, Lugo á Gastronomía Lucense, centrado na posta en valor da calidade e singularidade da oferta gastronómica da provincia.
As candidaturas poderán ser presentadas durante este mes, ata o 30 de xuño, por persoas físicas ou xurídicas, entidades públicas ou privadas, asociacións e colectivos sen ánimo de lucro, de ámbito local, autonómico, estatal ou internacional, sempre que teñan unha repercusión positiva no turismo ou na gastronomía da provincia ou dunha zona concreta. As propostas poden realizarse directamente ou a través dunha terceira persoa, con consentimento expreso da persoa ou entidade candidata a través da sede electrónica da Deputación.
O xurado, composto polos membros do Consello Provincial de Turismo, encargarse de valorar as candidaturas segundo criterios como a contribución ao desenvolvemento turístico da provincia, a singularidade da proposta e a súa capacidade para mellorar a imaxe e proxección de Lugo como destino turístico e gastronómico. Poderanse conceder ata tres premios nas categorías de Turismo Lucense e Gastronomía Lucense, e un único galardón na de Turismo Sostible. Ademais, o xurado poderá outorgar ata tres accésits adicionais.
A entrega dos premios está prevista para finais de setembro, nun acto público que reunirá representantes institucionais, premiados e profesionais dos sectores implicados. Os galardóns consistirán nun diploma acreditativo e un agasallo institucional, como en edicións anteriores.
As bases completas da convocatoria están xa dispoñibles no BOP do 29 de maio de 2025 e poden consultarse na páxina web da Deputación de Lugo.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
