José Tomé Roca asinou ante notario, no Pazo de San Marcos, a venda dos primeiros terreos deste parque empresarial de Feira do Monte, no que a institución investiu 1,3M€.Con estas novas operacións, quedan dispoñibles 18 parcelas para a súa venda
Lugo, 2 de xuño de 2025. O Presidente da Deputación de Lugo, José Tomé Roca, formalizou a sinatura da venda na Sala de Xuntas do Pazo de San Marcos, e ante notario,da venda das 6 primeiras parcelas do polígono industrial de Cospeito, coñecido como parque empresarial de Feira do Monte. Esta operación marca un paso importante no impulso ao desenvolvemento económico e á dinamización do rural, nunha infraestrutura na que a institución investiu 1,3 millóns de euros.
En concreto, a institución provincial vendeu as parcelas número 13,14,15,16 e 17 ao empresario Nicolás Pico Yáñez; mentres que a parcela número 27 foi adquirida por un particular. En total, estas seis parcelas suman 6.377 m2, cun prezo de venda conxunto de 248.000 euros. O prezo por metro cadrado quedou fixado en 39 euros,grazas á aplicación dunhabonificación do 30% sobre o prezo inicial de 55,72 €/m². Tras esta operación, quedan 18 parcelas dispoñiblesdas 24 que conforman o parque, dúas das cales están xa comprometidas e pendentes de formalización.
O parque empresarial de Feira do Monte conta cunha ubicaciónestratéxica, próxima á Autovía A-6, o que facilita a conexión co resto da provincia e mellora a loxística empresarial.A superficie total é de 56.726m2, dos que as parcelas de solo urbano que se poñerán á venda pola Deputación de Lugo ocupan 22.459m2, mentres que o solo dotacional ten unha extensión de 2.247m2; os espazos libres 10.849m2; os viarios e aparcamentos 10.490m2; e as áreas verdes 10.681m2.
No resto dos parques industriais que xestiona a Deputación de Lugo a dispoñibilidade é de 12 parcelas no polígono de Baleira, das 27 existentes; 39 das 51 en Castroverde; 25 en Friol, das 55 coas que contaba este parque; 2 en Ourol das 3 coas que conta; 13 das 19 que había inicialmente no de Paradela; e 2 das 12 iniciais do complexo de Begonte.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
