Burela, 4 de xuño de 2025. Na asociación de veciños O Vencello sabemos que a vivenda converteuse nun dos maiores desafíos sociais e económicos de todo o Estado e Burela non está allea á este problema. Decenas de cidadáns enfróntanse día a día a serias dificultades para atopar un fogar digno a un prezo alcanzable no noso concello.
A crise no sector inmobiliario responde a múltiples causas estruturais e o certo é que, na actualidade, adquirir ou alugar un piso só está ao alcance duns poucos.
Diante desta situación preguntámonos que están a facer os nosos gobernantes locais… Ata onde nós sabemos, nada. Tan só un anuncio en prensa da alcaldesa en febreiro pasado, onde amosaba a súa intención de restrinxir as vivendas turísticas e do que descoñecemos os detalles, aínda que nos tememos que non solucionara o problema da oferta de vivenda, se non máis ben o contrario.
Creemos que ademais de elaborar ordenanzas restritivas, o Concello tamén debería implementar bonificacións e axudas aos propietarios para fomentar o arranxo dos moitos pisos dos 80-90 que existen en Burela e que aínda permanecen sen rematar.
Torrentes
Despois de 20 anos de que o Concello aprobara a Unidade Urbanística de Torrentes, a día de hoxe descoñecemos en que situación legal se atopan devanditos terreos, nin tampouco cal é a superficie de solo municipal da que dispón o Concello nesta zona.
Ata onde sabemos, a liquidación deste proceso está pendente de resolverse, así como a execución de sentencias firmes que obrigan ao Concello a facer unha nova reparcelación e a indemnizar aos propietarios afectados.
Isto fai que unha das bolsas de solo urbano máis importantes do noso municipio permaneza nun limbo xurídico despois de dúas décadas, o que vai en detrimento da expansión urbanística e da construción de obra nova.
Cesión de terreos municipais para a promoción de vivenda social
Creemos que o Concello debería tomar a iniciativa e dar un paso adiante favorecendo e impulsando o parque de vivenda protexida para reafirmar así a súa preocupación e interese por garantir que os bureleses e burelesas poidamos ter acceso a unha vivenda digna.
Igual que fixo hai uns días o Concello de As Pontes, Burela tamén podería promover -se quixera- a firma dun convenio de colaboración coa Consellería de Vivenda a través do Instituto Galego de Vivenda e Solo para a implantación do programa de oferta de solo de titularidade municipal mediante a cesión de terreos urbanos de propiedade municipal (en Torrentes ou noutra zona de Burela) cos que podería ofrecer mediante concurso público parcelas para que promotores públicos ou privados; e tamén por suposto cooperativistas, poidan construír vivenda protexida, tanto en réxime de alugueiro como de venda.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
